MABILIS lumipas ang mga araw. Isang linggo din ang inilagi nila Analyn at Theodore sa probinsya bago bumalik ng Manila para maasikaso na ang kasal nila. Hindi naman nila napilit si aling Evelyn na sumama sa syudad at mas gusto nitong sa probinsya manirahan. Kaya kinausap ni Analyn ang pinsan nitong si Brenda na samahan sa bahay ang ina niya. Pumayag naman ito at hindi rin naman niya kasundo sa bahay nila ang hipag nitong asawa ng kapatid niya at palagi silang nagtatalo.
Habang palapit nang palapit ang araw ng kasal, kinakabahan si Analyn. Kahit na sila-sila lang din ang bisita at ilang malapit na kaibigan ni Theodore ay kinakabahan pa rin ito.
Isang gabi, hindi ito makatulog at isang tulugan na lang ay kasal na nila ni Theodore. Palakad-lakad ito sa balcony ng silid nila na hawak ang c
