Later, nasa harap na kami ng isang malaking gym along Karangalan. Purebred Gym ang pangalan nito. Puro salamin ang harapan ng 2 storey building na iyon, at maraming tao ang nag-e-exercise sa loob nito.
“Excuse me po, nandyan po ba si coach Rocky?” tanong ni Bryan sa front desk.
“May appointment po ba kayo?” tanong ng maskuladong lalaking nakaupo rito.
“Opo, paki sabi po yung pamangkin n’ya, si Bryan.”
May pinindot ang lalaki na connected sa paging system at maya-maya pa ay may lumapit sa aming lalaking katamtaman lang ang laki ng katawan.
Moreno siya, parang sina Bryan, matangos din ang ilong, pero brown ang mga mata niya. Nasa mga late thirties ang edad niya at lampas 6 feet ang tangkad.
“O, Bryan, nandito ka na pala.” tinapik niya sa likod ang lalaki sa counter at pinatuloy kami
