CHAPTER 31
“Okay, simulan natin sa tamang stance.” sabi ni Tito Rocky habang kaharap n’ya kami ni Bryan. “Feet slightly apart, itaas ang magkabilang braso at ilinya ang mga kamao sa iyong ilong.”
Ginaya ko ang ginawa nila.
“Ito ang basic stance, tandaan mo, dapat laging may harang ang mukha ko.” pinakita n’ya sa akin ang mga braso niyang nakatakip sa mukha. “Ito ang sasalag sa mga tira ng kaaway mo. Dapat lagi kang nakasangga.”
“Relax lang, let it loose.” hinawakan ni Tito Rocky ang balikat ko at medyo minasahe ito. “Ngayon, simulan natin sa jab.”
Pinagtulungan akong turuan nina Tito Rocky at Bryan. Inayos nila ang pagtayo ko, pati ang pag-angat ko sa aking braso, at sa bawat galaw nila, napapatunganga ako. Lalo na kay Bryan na ang cool panoorin `pag sumusuntok. Para siyang profess
