Sabay-sabay kaming kumain ng tanghalian. Sarap na sarap sila Tita sa niluto kong kaldereta, pati si Gina napabilis ang kain. Mukhang mahilig siya sa maanghang.
Nilabas naman ni Bryan ang ice cream matapos namin kumain, at napa-palakpak pa si Gina nang makita ito. Nakakatuwa siyang panoorin `pag masaya, lalo siyang gumaganda!
Matapos kumain at makipag kuwentuhan kina Tita tungkol sa Tito Rocky, nagyaya naman si Kuya Bernie na mag sparring sila sa baba.
“Actually, Kuya, inaantok ako eh...”
“Sige na, isa lang, para makita naman ni Daryl kung pano ang MMA fighting.”
“May napanood naman kami doon kanina!” pilit ni Bryan.
“Sparring lang naman, eh, at saka mas maganda kung ikaw ang mapanood niya! `Di ba, Daryl?”
“Oo, Bryan, gusto kitang mapanood.” nginitian ko s’ya, at mukhang natalo rin s
