“Aba, masarap ha, pwede nang mag-asawa!” pabirong sabi sa akin ni Kuya Bernie.
“Ampunin na ba natin, ma?” tanong naman ni Bryan sa nanay nila.
“Naku, gusto n’yo lang ng mauutusan sa bahay, eh!” sagot niya, “`Wag kang magpapadala sa mga lokong `yan, Daryl ha, baka mawili ang mga `yan at paglutuin ka araw-araw!”
“O-okay lang po, Tita...” sagot ko, “Basta po, sila sasagot sa ingredients!”
Nagtawanan kaming lahat, hanggang sa magtakip ng taenga si Gina.
“Noisy!” sabi nito.
“Sorry, bunso.” nakangiting sabi ni Bryan. “Masarap ba ang spaghetti?”
“Yummy.” sagot niya. Sobrang flattered naman ako! Lalo na at bihira kong marinig ang boses ni Gina.
“Kita mo, pati kay Gina pasado ka!” sabi sa akin ni Bryan na may hawak namang hotdog on stick. “Sa susunod, pansit naman ang iluto mo, pabo
