"Hindi ako sang-ayon sa mga ginagawa mo sa asawa mo, Brandon," sita ng Mama ni Brandon sa kanya nang pumasok ito sa silid. Kausap niya si Monique pagkatapos niyang humingi ng paumanhin nang bigla siyang pumasok sa silid at humiga sa tabi nito. Alam niyang papasok si Zanya dahil wala itong dalang gamit sa kabilang silid kaya't sinadya niyang ilagay ang isang braso sa baywang nito at nagkunwaring tulog.
Kasakuluyan naman siyang nag-aayos ng gamit dahil bukas na ang libing ng ama. Hindi na gusto ng Mama niya na patagalin ang burol dahil hindi na raw praktikal. May dalawang kumpanya ang naghihintay na sa ngayon ay parehong walang namamahala.
"Pabalikin mo na sa kanila, Mama. Panindigan niya na ang paghihiwalay namin."
"Sigurado ka ba na kapag umalis s'ya matatahimik ka na? Hindi 'yu
