"Tangina! Argh!"
Malakas na sinuntok ni Brandy ang pader ng apartment na iyon sa labis na pagkadismaya dahil hindi niya nagawang mahabol si Zora. Nanghihina siyang napaupo doon. Dumudugo ang kaniyang kamao. Ngunit hindi niya ramdam ang sakit na nagmumula doon. Mas masakit pa rin ang nararamdaman niya sa kaniyang puso.
"Bakit mo ako tinataguan, Zora? Bakit ka lumalayo sa akin?" naluluhang bulong niya sa kaniyang sarili.
Sinabunutan niya ang kaniyang sarili. Sa mga oras na iyon, pakiramdam niya mahihibang na siya kaiisip kung bakit ayaw siyang makasama ng babaeng mahal niya.
Habang si Zora naman, pawisan nang makabalik sa bahay ni aling Emily. Nagtungo pa naman siya sa palengke para bumili ng karne na kanilang mauulam ngunit wala tuloy siyang nabili dahil sa nangyari. Nangunot ang noo n
