"Boss, nabalitaan mo na bang sumali si Cathy sa grupo ni Carl? Nakita siya ng tauhan natin na kasama ang lalaking iyon. At mukhang tuturuan siya nito kung paano pumatay. Balak maghiganti sa iyo ni Cathy dahil si Jupiter pala ang lalaking gusto niya!" pahayag ni Archer nang magtungo siya sa bahay ni Brandy.
Nagsalin ng alak si Brandy sa kaniyang baso. "Talaga ba? Pakialam ko naman sa babaeng iyon. Dumagdag pa siya sa tatapusin ko. Sabagay, ginusto naman niya iyan kaya humanda na siyang mamatay."
Ngumisi si Andersen. "Akala namin may nararamdaman ka pa doon eh."
"Wala. Kahit isang katiting wala akong nararamdaman na pagmamahal para sa kaniya. Ang asawa ko lang ang mahal ko at wala ng iba pa. Baka si Zora pa ang pumatay sa kaniya kapag nagkataon..." mayabang na sabi ni Brandy.
"Akalain mo
