Simula nang ligawan ni Archer si Esmeralda, walang palya ang pagbibigay nito ng bouquet sa dalaga. Pati na ang mga chocolates at kung ano- ano pang pagkain. Palagi rin itong dumadalaw sa bahay ng tiyahin ni Esmeralda at minsan pa nga, doon na ito kumakain ng hapunan. Mas lalo tuloy napapalagay ang loob ni Esmeralda sa binata. Wala siyang ibang nakita sa binata kun'di ang pagiging mabuti nito. Sadyang matulungin nga talaga si Archer. Ngunit hindi niya minahal ang binata dahil sa kung anong mga binibigay nito sa kaniya. Minahal na niya ang binata dahil sa ugaling mayroon ito.
Kapag kasi wala sa mood si Esmeralda, tahimik lang si Archer. Kahit pagsungitan niya ito, hindi siya nito pinapatulan. Hinahayaan lang siya nito at tila ba maamong tupa sa kaniya. Hindi nakikipagtalo sa kaniya si Arche
