┈┈┈┈◦•✩•◦┈┈┈┈
Maingat nilang naihiga si Sandy sa kama nito. Lumabas agad si Josh upang hayaan si Celestina sa loob ng silid ng kaibigan nito upang mabihisan ito. Binalot naman ni Celestina ng kumot ang katawan ni Sandy matapos niya itong suotan ng damit, at pagkatapos ay naupo siya sa gilid ng kama at pinagmasdan ang kanyang kaibigan. Hindi siya makapaniwala sa nagawa nito kay Jun.
"Nakakaloka ka besh, bakit mo nilaplap ang labi ni Kuya Jun? Ayun at naiwanang natutulala. Ang dami mong pwedeng manahin sa akin, panglalaplap pa ng nguso ng may nguso, wala ka talagang originality," ani ni Celestina sa kanyang kaibigan sabay tawa nito ng mahina. Hindi nga niya alam kung nauunawaan ba siya ni Sandy dahil mukhang malakas ang tama nito sa alak. Hindi naman kasi ito sanay uminom ng marami.
Idini
