"Si Josh. Mahal mo pa ba siya sa kabila ng galit na nararamdaman mo para sa kanya?" tanong ko kaya napatitig siya sa akin. Nakikita ng mga mata ko ang mabilis na pagkabog ng dibdib niya ng marinig mula sa akin ang pangalang Josh. Ngayon ay mas nakasisiguro ako na mahal pa rin ako ni Celestina at matinding galit lamang ang humahadlang sa ngayon upang mapatawad niya ako.
"Bakit mo ba tinatanong?" aniya. Hindi siya tumitingin sa akin na tila ba natatakot siya na mabasa ko ang katotohanan sa kanyang mga mata.
"Gusto ko lang namang malaman. Madalas kasi kitang makita na tahimik na tila ba ang lalim ng iyong iniisip. Nakwento mo sa akin ang mga masasakit na salita sayo ni Josh, paano kung ginagawa lang pala niya 'yon para mapansin mo? Pwede kasing ganuon hindi ba? Kasi ngayon ay sinasabi mo na
