"Don't worry bro, sa aming lahat mukhang ako yata ang hindi lalapit sayo para tulungan ako tungkol sa pag-ibig na 'yan. Mas nanaisin ko pa na pakasalan ang sinasabi sa akin ni lolo at lola na apo ng kaibigan nila. Baka after nito ay pumunta ako ng New Tork upang kausapin ko si lolo at lola, kikilalanin ko na ang babaeng 'yon," wika ko kaya napatingin si Marcus sa akin.
"Tuloy pa rin pala ang arranged marriage na 'yan? Nakilala mo na ba kung sino ang babaeng 'yon kahit sa picture lang?" tanong niya at umiling lang ako. Wala naman kasi akong interes sa kung sino man siya, ni pangalan nga ng babaeng 'yon ay hindi ko alam. Wala kasi sa bokabolaryo ko ang salitang kasal, pero para maiwasan ko si Celestina at hindi lumalim ang nararamdaman ko para sa kanya, siguro nga ay oras na rin upang harap
