"Celestina, bakit baliw na baliw ako sayo?" bulong ko habang nakatitig lamang ako sa karagatan. Gusto kong sumigaw ng malakas, gusto kong ipagsigawan sa buong mundo kung gaano ko siya kamahal ngayon pero bakit hindi ko magawa? Bakit nahihirapan ang puso ko samantalang alam ko sa sarili ko na kaya ko na siyang tanggapin kahit na ba ilang lalake pa ang dumaan sa buhay niya? Bakit ganito kahirap? Karma ko na nga ba ito?
"Anong ginagawa mo dito? Bakit ka nag-iisa dito?"
Bigla akong napatayo at muntikan pa akong mahulog ng mauyot ako dahil boses ni Celestina ang narinig ko. Agad ko siyang nilingon habang ang puso ko ay halos mabingi na ako sa sobrang lakas ng pagtibok nito. Ngayon ko lamang ito naramdaman, ngayon lamang sumisigaw ang puso ko ng ganito kalakas at alam kong pangalan ni Celesti
