"Ayaw mo bang totohanin ang panaginip mo?" wika ko kaya bigla siyang napahinto sa kanyang paglalakad at isang mapait na ngiti ang sumilay sa kanyang labi ng nilingon niya ako.
"Sa totoo lang, hindi mukha ni Evelyn ang nakita ko sa panaginip ko, ang mukha ng taong kinamumuhian ko ang nasa panaginip ko. Pero ang isasagot ko sa kanya ay NO. Hindi ko siya pakakasalan at kahit siya na lang ang natitirang kasama ko sa mundo ay hindi ko siya pakakasalan."
Pagkasabi niya ay mabilis na siyang tumalikod at tumakbo palayo pero agad akong sumigaw upang pahintuin siya sa paglayo.
"Please stop! Kausapin mo ako, may gusto akong sabihin sayo kaya please, huwag kang umalis, pakinggan mo ang gusto kong sabihin sayo. Please, kahit ngayon lang. Gusto ko lang sabihin sayo ang lahat ng dapat mong malaman,"
