"May dalawa pa akong natuklasan na sigurado ako na ikatutuwa mo," wika nito kaya napakunot noo ako.
"Natuklasan? Ano ang natuklasan mo?" wika ko na naguguluhan.
Natawa lang siya at tinapik niya ako sa aking balikat. Hindi ko alam kung ano ang ibig niyang sabihin, pero nakakaramdam ako ng takot. May nangyari ba? Kanino? Kay Celestina?
"Kung ako sayo, tawagan mo ang lolo mo para malaman mo, malay mo naman may dapat ka palang malaman, hindi ba?" wika nito kaya napapailing ako.
Hindi ko kailangang tawagan ang lolo ko. Umiiwas nga ako sa kanila sa pangungulit nila sa akin. Kahit anong pagtawag ang gawin nila sa akin ngayon ay hindi ko sinasagot ang mga tawag nila. Si Celestina lang ang gusto kong makasama sa buhay at hindi ko kailangan ng ibang babae.
"Huwag kang mag-alala at pag-iisipan k
