◄Josh's POV►
Dumiretso na kami sa elevator upang tumungo sa parking lot sa basement. Duon kasi naka-park ang sasakyan ko at duon din daw sila nag-park. Hindi ako kumikibo. Naiisip ko ang mga kaibigan ko. Ganuon ko lang pala sila makikilala, bakit hindi pa nuon? Sana pala nuon pa lang ay nakatiwalag na ako sa kanila at namuhay na lang ako ng mapayapa. Akala ko kasi ay sasamahan nila ako sa hirap at ginhawa kaya nanatili ako sa poder nila, nanatili ako na mahigpit ang pagkapit ko sa kanila, kasi nga magkakaibigan kami. Pero ngayon, heto at mukhang lumitaw na ang tunay nilang kulay.
Pagbukas ng elevator sa basement ay muli akong humugot ng malalim na paghinga. Tinignan ko ang sasakyan ko, iniisip ko kung motor ba ang dadalhin ko o isang sports car? Sa totoo lang, hindi naman talaga kung ano
