My Bully My Groom

Chapter 3

Elara Pov

7 years ago...

"Maganda na ba ako, Liam? Sa tingin mo ba magagandahan sa akin si Alexander? Baka i-reject niya ang proposal ko," nag-aalalang tanong ko kay Liam matapos niya akong lagyan ng makeup sa mukha. Buong araw akong excited at kinakabahan. Ni hindi na nga ako nakakain ng maayos sa araw na ito dahil excited ako sa pagdating ng gabi.

Mahalaga sa akin ang gabing ito. Tonight is our senior high school graduation ball. Ngunit hindi lang iyon. Dahil ngayong gabi ay balak kong mag-propose kay Liam. Tatanuningin ko siya kung puwede ko ba siyang maging boyfriend.

Liam and I are schoolmates. Hindi man kami magkaklase ay madalas pa rin kaming magkasama sa loob ng school ng campus. Malapit kasi kami sa isa't isa. Siya ang tinaguriang male campus crush samantalang ako naman ang female campus crush. Marami ang nagpi-pair sa amin as a couple kahit na hindi naman siya nanliligaw sa akin. Ngunit hindi man siya nanliligaw sa akin ay hindi rin naman niya kinokontra ang mga schoolmates namin na nanunukso sa aming dalawa.

Hindi lang ako ang nagkaka-crush kay Liam kundi marami kaming mga kababaihang estudyante sa school namin. Masuwerte kasi kung sino ang magiging girlfriend niya dahil unang-una ay guwapo, tapos matalino pa, at bonus na lang na mayaman siya. Ngayong graduate na kami at magkakahiwalay na kami ng papasukang school ay nag-aalala ako na baka may makilala siyang iba babae sa college. Hindi ko naman kasi kayang mag-aral sa school na pinapasukan niya dahil hindi mayaman ang pamilya ko. Kaya ngayon pa lang, habang close kami sa isa't isa ay magtatapat na ako ng nararamdaman ko para sa kanya.

Inayusan at nilagyan ng mga lobo na hugis heart ang area sa campus kung saan kami madalas na tumatambay ni Alexander kapag free time. Lahat yata sa school namin ay nakakaalam na magpo-propose ako sa kanya maliban mismo sa kanya. All of them are rooting for me to get Alexander's sweet "yes".

"My goodness, Elara! Ilang beses mo nang itinanong sa akin iyan. Hindi pa ba nagagasgas ang tainga mo sa mga sagot ko?" natatawang biro sa akin ni Liam, ang best friend kong napaka-supportive. "Kung hindi lamang ako gay ay tiyak na magkakagusto rin ako sa'yo. You're very beautiful inside and out. At saka, alam naman ng lahat na mutual understanding kayo ni Alexander kaya imposible na i-reject ka niya. Baka nga naghahanda na rin siya ngayon na magtapat ng nararamdaman niya para sa'yo."

Na-touch ako sa sinabi ni Liam kaya niyakap ko siya. "You're a very supportive best friend. I'm really lucky to have you."

"Huwag na tayong magdrama. Umalis na tayo at baka ma-late pa tayo sa graduation ball." Nang tila ayaw ko pang lumabas sa silid ko ay kinuha niya ang maliit kong shoulder bag at isinukbit sa kanyang balikat bago ako hinila palabas ng bahay namin.

Habang papunta kami sa school ay labis ang kabang nararamdaman ko. Parang tatalon na nga palabas ng dibdib ko ang puso ko sa labis na kaba at antisipasyon na nararamdaman ko.

Hindi ko akalain na ang excitement at saya na nararamdaman ko ay biglang mapapalitan ng matinding pagkapahiya at pagkadurog ng puso ko.

Pagdating sa gate ng school ay agad na may sumalubong sa amin na kaklase ko at katulong sa pagde-decorate ng place kung saan ako magpo-propose kay Alexander.

"Mabuti naman at dumating ka na, Elara. Sumama ka sa akin. Bilis!"

Hindi pa man ako nakakapagtanong sa kanya kung saan niya ako dadalhin at bakit anxious siya ay hinila na niya ang kamay ko. Dinala niya ako sa lugar kung saan naroon ang aking surprise proposal para kay Alexander. Maraming mga estudyante ang nakapalibot at tila may pinapanuod. Hinawi ng kaklase ko ang mga estudyante na nakaharang sa daraanan namin hanggang sa tumambad sa paningin ang hindi magandang eksena. Nasa harapan ng aking surprise proposal si Alexander at hawak ang flower bouquet na inihanda ko para sa kanya. Kinabahan ako nang makita kong madilim ang mukha niya at tila hindi masaya sa kanyang nakita.

"Ano ang ibig sabihin nito, Elara?" naniningkit ang mga mata na tanong ni Alexander sa akin matapos basahin ang mga salitang "Will You Be My Boyfriend" na nakasulat sa bawat lobo.

Hindi ako makapagsalita. Tila nalunok ko ang aking dila kaya hindi ko magawang sagutin ang tanong niya. Obvious naman kung ano ang ibig sabihin ng kanyang nakikita kaya bakit pa siya magtatanong?

"Hindi pa ba obvious, Alexander? Magtatapat sa'yo si Elara ng kanyang nararamdaman at tatanungin ka niya kung puwede bang maging boyfriend?" wika ni Isabela, isa sa mga babaeng may matinding crush kay Alexander.

"Ang kapal naman ng mukha mo para gawin iyan, Elara. Ano ang tingin mo sa akin? Cheap? Makikipagrelasyon ako sa babaeng girlfriend ng bayan? Sa babaeng hindi lang isa ang boyfriend kundi halos lahat ng mga lalaking guwapong estudyante sa school ay nagiging boyfriend niya? Sa babaeng gold digger?" Pagkatapos magsalita ni Alexander ay inihagis niya sa sahig ang bulaklak na hawak niya at inapak-apakan at dinurog ng kanyang mga paa.

Mas lalo akong hindi nakapagsalita aa ginawa niya. Pakiramdam ko ay hindi mga bulakkal ang tinapak-tapakan at dinurog ng kanyang mga paa kundi ang puso ko. Ang buo kong pagkatao. Hindi ko rin akalain na maririnig ko kay Alexander ang mga masasakit na salitang ito. Bakit niya ito sinabi sa akin? Hindi ba niya ako kilala? Hindi ba niya alam na lahat ng mga balita tungkol sa mga nagiging boyfriend ko ay hindi totoo? I am no boyfriend since birth. At lahat ng mga balita sa akin sa school about sa pagiging playgirl ay hindi totoo.

Para sa akin ay pagsasayang lamang ng oras kung papansinin ko ang mga fake news na iyan. Alam ko naman na lahat ng iyon ay hindi totoo. Ngunit hindi ko akalain na naniniwala pala si Alexander sa mga balitang iyon.

Biglang nag-ulap ang aking mga mata at nanghina ang aking mga tuhod kaya hindi ko napigilan ang mapaupo sa sahig. Napalapit naman sa akin si Liam nang makita ang nangyari sa akin.

"Stand up, Elara! Huwag mong pakinggan ang mga sinabi ni Alexander. Huwag kang malungkot. Sa halip ay maging masaya ka dahil nakita mo ang totoong ugali niya," wika ni Liam habang pilit akong itinatayo.

"Pagsabihan mo iyang kaibigan mo, Liam. Sabihin mo sa kanya na huwag siyang ambisyosa. Hindi magugustuhan ni Alexander ang slut na katulad niya!" nakangising wika ni Isabela na halatadong tuwang-tuwa sa nangyari.

"Slut!"

"Gold digger!"

"Ambisyosa!"

"Walang hiya!"

Ilan lamang iyan sa mga masasakit na salita ma ibinabato sa akin ng mga estudyanteng nakapalibot sa akin sa pangunguna ni Isabela. Dinampot nila ang mga bulaklak na dekorasyon at ibinato sa akin habang binabato rin ako ng mga panget na salita.

Gusto kong humagulgol ng iyak ngunit ayaw tumulo ng aking mga luha. Masyado yata akong na-shock sa hindi ko inaasahang nangyari.

Liam shielded me with his body para siya ang tamaan ng mga ibinabato sa akin ng mga estudyante. Galit na galit sila na para bang nakagawa ako ng malaking kasalanan sa kanila.

Nag-angat ako ng tingin at nakita ko si Isabela at Alexander na magkahawak ang mga kamay habang naglalakad palayo sa akin. Saglit na lumingon sa akin si Isabela at umismid bago. Lalong nadurog ang aking puso sa aking nakita. Sa pagkakataong ito ay tumulo na ang aking mga luha na kanina ay ayaw lumabas.

Mahigpit na ikinuyom ko ang aking mga kamao. Hindi lang sakit ng dibdib at matinding pagkapahiya ang nararamdaman ko ngayon kundi galit. Galit para kay Alexander. Hindi naman niya ako kailangang ipahiya ng ganito kung hindi niya ako gusto. He could reject me in a nice way dahil hindi ko naman ipagpipilitan sa kanya ang akíng sarili. Ngunit mas pinili niyang ipahiya ako sa harapan ng aming mga ka-schoolmate. He is heartless! Kailanman ay hinding-hindi ko makakalimutan ang ginawa niyang ito sa akin. At kapag nagkaroon ako ng pagkakataon ay gagantihan ko siya sa ginawa niyang ito sa akin! Ipaparanas ko rin sa kanya kung paano ang masaktan at mapahiya sa harapan ng maraming tao? Isinusumpa ka iyan!