حور العين... ❤

الفصل الثامن...

سمير كان متعصب اوي من تصرف سامية مع هدي والكلام اللي قالته وانه ازاي تض*بها بالقلم راح ماسكها من دراعها وقال: انتي اتجننتي ازاي تمدي ايدك عليها واي الهبل اللي بتقوليه دا احنا مش قفلنا الموضوع دا خلاص

رديت سامية عليه لزعيق لاول مره: لا متقفلش وانا حره اعمل اللي عايزاه واي حد هيقرب منك مش هرحمه وبمزاجك او غصب عنك احنا هنتجوز يا سمير ومش هسيبك لحد تاني

سمير بداء يفقد اعصابه خلاص وراح زقها وقال: دا انتي فعلا اتجننتي من دلوقتي اعتبري صداقتنا انتهت واياك اشوفك قريبه مني يا خسارة يا سامية بجد يا خسارة

ضحكت وقالت: كل دا عشان الزبالة دي انت اي اللي حصلك يا سمير بتخسرني عشان واحده زي دي انا هوريك هعمل فيها اي وانت مستحيل ابعد عنك مهما حصل انت ملكي انا وبس

رد وقالها بغضب: ابقي جربي تقربي منها يا سامية ساعتها بجد هتشوفي واحد عمرك ما شوفتيه وانا مش ملك حد اوعي من وشي

مشي وسابها وهي قالت: انا هوريك يا سمير وهدي دي فعلا لازم اخلص منها لاني خلاص جبت اخري وهي خدت اكتر من حجمها

فضلت قاعده علي الارض لحد ما الباب خبط وكان جاسر وقال: يلا انزلي عشان تاكلي وتاخدي علاجك ومفيش مجال للرفض او هدخل وساعتها متزعليش من اللي هيحصل

معرفش ليه خوفت وحسيت ان رجعتله الحاله تاني وخوفت علي ابني وبسرعه قومت غسلت وشي ونزلت تحت وقولتله: شكرا يا استاذ جاير بس انا مش جعانه اتفضل كول انت وانا هجبالك العلاج وجايه

راح قام ومسكني من دراعي ومقعدني علي كرسي السفرة وقعد هو كمان وقال: اظن اللي في بطنك محتاجه غذاء وملهوش لازمه في افعالك القذرة او يمكن كل ذنبه ان واحده زابك تبقي امه اتفضلي كولي

بصيتله وانا قلبي بيتقطع من كلامه مش مستحمله نظرة الكره اللي في عينيه دي انا مش كدا انا كمان ضحية رجعت بصيت في الاكل وقولت: عندك حق انا لازم اكل واخلي بالي من نفسي عشان خاطر ابني وبس شكرا

بصلي ببرود وقال: علي اساس ان عندك قلب وبتحسي اللي زايك معدوم الضمير والاخلاق يغلط ويجيب طفل يدفع التمن

رديت وقولت: بعد اذنك ملهوش لازمه الكلام دا انا عارفه كل دا وخلاص اللي حصل حصل ربنا غفور رحيم وبعد اذنك خلي بينا حدود دي حياتي وانا حره فيها انا هنا لمهمه اول ما تخلص مش هتشوف وشي تاني

ضحك وقال: تغلطوا وتقولوا ربنا اللي زايكوا ميعرفوش ربنا بصي عشان امي علمتني مكنش ظالم واسمع اللي قدامي قبل ما اص*ر حكمي فانا بد*كي فرصة اهو اتكلمي واحكي كل حاجه ولو ليكي حق انا هجبهولك

بصتله بحزن وكان نفسي فعلا احكيله كل حاجه بس مش هينفع انا اه بحبه بس هو فين وانا فين وبالذات وانا بالوضع دا رجعت بصيت قدامي وقولت بكل وجع: مفيش حاجه احكيها انا فعلا غلط وبدفع تمن غلطي دا وشكرا جدا علي كلامك

لاقيته اتعصب وزعق وقام مسكني من دراعي وقايل: هو انتي لدرجادي بتحبيه بدافعي عنه وبتشيلي الغلط لوحدك قوليلي هو مين ليه ساكته ليه مش راضيه تحكي انا متاكد انك مخبيه حاجه ردي عليا يا حور

فضلت اعيط وقولت: كفايه يا جاسر ارجوك كفايه سبني انت ليه بتدخل في حياتي ملكش دعوة انا هنا مجرد خدامه وبس ابعد عني

اول ما سابني جريت علي الاوضة وانا منهارة من العياط انا اه بداءت احب جاسر بس مستحيل اسمحله يتأذي بسببي دي حياتي وغلطتي وحقي وانا اللي لازم اتصرف مش حد غيري

فضل جاسر قاعد علي السفرة متعصب ومش فاهم حاجه هو متاكد اني مغلطش ومش زي بقيت البنات بس سكوتي دا وراه سر ولازم يعرف قام خرج الجنينه وقرر يطلع غلبه في الزرع والتنضيف يمكن يهدي شوية

في بيت كريم رجعت سهير وفضلت تنادي علي كريم ونور واول ما نزلوا قالت: ياريت كلنا نجهز عشان لازم ننزل مصر احنا خلاص افتتحنا الشركة وجودنا هنا ملهوش لازمه

رديت نور بعصبيه وقالت: هو في اي فجاه كدا علي الاقل نصبر يومين تلاته احنا مش لازم دابما نمشي علي مزاجك يا سهير هانم

ضحكت سهير وقالت: ما قولتلك يا ست نور قعدتنا ملهاش لازمه وانا خلاص حجزت التذاكر وكمان اي اتغير ما انتي مكنتش حابه تيجي اصلا فجاه كدا حبيتي المكان وبقيتي عايزه تقعدي اي اتغير متتكلم يا كريم

رد كريم وقال: خلاص بقي بطلوا خناق ويلا يا نور اطلعي جهزي شنطك ملهوش لازمه كل الكلام دا ولو امريكا عجبتك هنبقي نيجي تاني

نور اضايقت جدا لانها هتبعد عن عمر وكانت عامله حسابها انهم هيرجعوا سوي اخر الشهر فرديت وقالت: حاضر يا كريم هطلع اهو عن اذنكم

اول ما مشيت سهير قالت: اي رايك انا قولتلك هتصرف ياريت اما نرجع تحاول تشيل الزفت دا من دماغها خلينا نخلص من الق*ف اللي انت حطيتنا فيه

رد كريم وقال: ماشي يا سهير يلا بينا قبل ما نور ترجع في كلامها بعد انك

مشيت سهير وهي فرحانه اوي انها هتقدر تبعد نور عن عمر اللي بقي عجبها وحطيته في دماغها ونسيت خالص ان انا ابقي اخته وانه لما يعرف مش هيرحمها

عمر كان قاعد في البلكونه اما تلفونه رن وكانت نور رد وقال: اي يا حبيبتي كنت ليه بفكر فيكي انتي وحشتيني اوي اي هنتقابل علي معادنا

رديت نور وهي بتعيط: لا يا عمر مش هعرف اشوفك الفترة دي انا اسفه بس غصب عني والله يا حبيبي انت هتوحشني اوي

استغرب عمر واضايق اوي وقال: في اي يا نور وليه كل العياط دا اي اللي حصل وليه مش هعرف اشوفك اهدي يا حبيبتي وفهميني في اي

رديت نور وقالت: مفيش احنا هنرجع مصر النهارده عشان خلاص اخويا خلص كل شغله وقعدتنا هنا مبقاش ليها لازمه وخلاص حجزوا التذاكر ومينفعش اعترض

قالها: طب اهدي يا حبيبتي معلش هنستحمل وانا كلها اخر الشهر وراجع مصر وهكلمك كل يوم متزعليش نفسك بس انا مش فاهم ليه فجاه كدا مش كنتي قولتي هتقعدوا لاخر الشهر اي حصل

رديت وقالت: معرفش والله يا حبيبي لاقيت مرات اخويا اول ما رجعت قالت نجهز الشنط وانها حجزت التذاكر واننا خلاص راجعين

قالها: خلاص يا حبيبتي اهدي انا مش هسيبك لحظه وكل يوم هكلمك وهطمن عليكي وان شاء الله هانت ونتجمع سوي يلا اجهزي بقب وطمنيني اول باول

رديت وقالت: حاضر يا حبيبي ربنا يخليك ليا يا رب.... في بيت سعاد سامية راحت عشان تشوف حل في مشكلتها مع سمير سعاد اول ما شافتها رحبت بيها جدا

بداءت سامية تتكلم وتقول: بجد يا طنط انا مبسوطه جدا بقرارك دا رغم اني شايفه ان سمير مش موافق وانا مش عايزاه يتجبر علي حاجه

ضحكت سعاد وقالت: يا حبيبتي احنا اللي نتشرف بقمر زايك ومتقلقيش سمير سبيه عليا انا هعرف اقنعه هو لسه صغير ومش عارف مصلحته فين بس انا هتعامل معه بس المهم انتي بتحبيه

اتبسطت سامية اوي وقالت: ربنا يخليكي يا طنط بصراحه انا اه بحبه اوي ومن بدري بس هو عمره ما حس بيا وانا مش عارفه اعمل اي

رديت سعاد وقالت: طب كويس انا هقولك تعملي اي واعمل حسابك هتقعدي تتعشي معانا النهارده يلا اتصلي باهلك عرفيهم

فرحت سامية جدا وحمدت ربنا ان سعاد معاها وقررت تسمع كلامها عشان ت**ب سمير وفي نفس الوقت مش هتسيب هدي في حالها

رجع ابويا البيت كانت امي في المطبخ بتحضر الاكل دخل وراح حضنها من ضهرها وقال: وحشتيني اوي يا حبيبتي انا اسف علي الاهمال دا اوعدك ان كل دا هيتغير خلاص

ضحكت امي وقالت: مفيش حاجه هتتغير وبعد اذنك ابعد عني خليني اخلص اللي ورايا عشان الاكل ميتحرقش هدي زمانها راجعه واكيد جعانه

رد وقالها: طب اقعدي خمسه عايز اتكلم معاكي شوية وبعدين هسيبك تكملي معلش محتاج اقولك حاجات كتير

استغربت امي جدا وطفيت علي الاكل وطلعوا علي اوضتهم وقعدت علي السرير وقالت: خير في اي عايز تتكلم في اي اديني سمعاك اهو اتفضل

بداء يتكلم ويقول: بصي بصراحه كدا انا كنت متجوز عليكي بقالي اكتر من شهر وكنت كل يوم بسيبك وبروح ليها بحجة الشغل بس والله ندمان علي كل دا

ضحكت وقالت: بجد والله انت ندمان بس للاسف حته لو انت ندمك جه متاخر اوي وحكاية جوازك دا قديمه اوي انا عارفه من فترة ومش فارق معايا

رد وقال: بس انا فارق معايا انتي مراتي وام عيالي وانا اما عرفت غلطي ندمت وطلقتها وعرفت اني مليش غيرك ومستحيل واحده تانية تملئ عيني غيرك انتي

بقيت مترددة اوي وقالت: اخلص يا حسن قولتلك ورايا طبيخ انت عايز مني اي دلوقتي جيب من الاخر كدا

ابتسم وقرب مسك ايدها وقال: انا عايز مراتي حبيبتي وروح قلبي تسامحني وترضاء عني وتعرف اني بحبها وان دي غلطة مستحيل اقررها تاني مهما حصل واني خلاص اتغيرت وهتشوف دا بنفسها لاني مش مستعد اخسرها لاي سبب كان ممكن بقي تديني فرصة واحده

فضلت امي تفكر شوية وقالت: ماشي يا حسن قدامك فرصة واحده ولما تثبت كلامك ساعتها هسامحك وهنسي كل اللي حصل

قرب وباس ايدها وقال: اوعدك يا حبيبتي انك مش هتندمي ابدا ربنا يخليكي ليا ممكن بقي تجهزي الاكل بسرعه انا وحشني الاكل من ايدك اوي يا نور عيني

رديت وقالت: حاضر بس كنت عايزة اتكلم معاك في حاجه انا حور وحشتني اوي وعايزة اطمن عليها اسمع صوتها او اشوفها اي حاجه يا حسن

رد وقال: انتي عارفه اللي فيها سعاد هانم قالت عشان تعيش ننسي خالص ان كان لينا بنت ونعتبرها ماتت فعلا او ساعتها هتموتها بجد

امي قعدت تعيط وتقول: يا حسن عشان خاطري اتصرف طمن قلبي علي بنتي هي المره دي بس والله وبعد كدا مش هطلب اي حاجه تاني

قرب ومسح دموعها وقال: حاضر يا حبيبتي هحاول اتصرف من عينيا بس مش عايز القمر بتاعي يعيط تاني مغهوم

ابتسمت وقالت: حاضر هروح بقي اجهز الاكل بسرعه قبل ما هدي ترجع وانت غير هدومك وارتاح شوية

اول ما خرجت امي ابتسم ابويا بخبث وقال: فكراني ع**ط ومش عارف انك عارفه بس للاسف انا فعلا مقدرش استغني عنك بس في نفس الوقت لازم اعمل كدا انا مستحيل ارجع للفقر تاني ولا اسمح لحد يستغل وضعنا ويوصل لبنتي ويكون حالها زي اختها سامحني يا رب

هدي خلصت كل محاضراتها وخرجت عشان تمشي قا**ها ادم زميلها وقالها: هدي كنت عايز اتكلم معاكي في موضوع كدا ممكن نروح اي كافيه مش هطول عليكي متقلقيش

هدي كانت مترددة بس اول ما شافت سمير واقف ومركز معاها فقررت توافق علي عرضه وابتسمت وقالت: ماشي يا ادم بس بجد ياريت منتاخرش عشان بس اهلي ميقلقوش

فرح ادم جدا وقال: حاضر يلا بينا الكافيه قريب جدا ومش هنطول اوعدك وشكرا جدا انك قبلتي

اتحركت هدي معه وسمير مشي وراهم وهي واخده بالها دخلوا الكافيه وقعد قريب منهم طلبوا قهوة وهدي قالت: خير يا ادم كنت عايزني في اي بقي اديني جينا وقعدنا اهو

ابتسم وقال: بصراحه كدا يا هدي انا معجب بيكي جدا وعارف عنك كل حاجه وكنت عايز اعرف رايك عشان لو كدا اجي انا واهلي ونتقدم ليكي

اتصدمت هدي ولاقيت سمير متعصب اوي وبصيت لادم وقالت: ادم انت بتقول اي انت فاجتني بصراحه وانا مش عارفه اقولك اي

ادم رد وقال: انا عارف ان مفيش حد في حياتك بس مش هضغط عليكي خدي وقتك وفكري كويس وانا هفضل مستنيكي بس بعد اذنك لو تقدري متتاخريش عليا

ابتسمت هدي وقالت: شكرا لتفهمك وانا هفكر واكيد هرد عليك في اسرع وقت ممكن بقي اقوم امشي لاني فعلا اتاخرت

رد وقالها: مفيش مشكله تعالي هركبك بس ممكن اخد رقم تلفونك واهو برضو نتكلم ونعرف بعض اكتر يمكن دا يساعدك في التفكير

ابتسمت وهي بتبص ناحية سمير وقالت: اه طبعا يا ادم مفيش مشكلة اتفضل الرقم اهو ويلا بينا بقي وشكرا علي القهوة

مشيت هدي مع ادم وسمير قام وهو متعصب وركب عربيته وراح علي بيته وهو مش شايف قدامه من الغضب

في الشركة عند عباس كان قاعد بيخلص شوية ورق مهم وساعتها دخلت عليه واحده شيك جدا وقالتله: وبعدي معاك يا عباس مش ناوي تريح نفسك شوية

ابتسم وقالها: اعمل اي بس يا سلوي ما انتي عارفه من ساعه ما جاسر تعب وانا معظم الشغل عليا انا ومقدرش اسلمه لحد تاني

رديت وقالت: ربنا يعينك بس برضو صحتك مهمه لازم تهتم بيها اكتر من كدا انا خايفه عليك والله

ضحك وقال: انا مبتخفش عليا دايما سعاد تقولي كدا وعمتا انا خلصت ومروح اهو تعالي اوصلك في طريقي الوقت اتاخر

ابتسمت بحزن وقالت: ربنا يخليكم لبعض بس انا مش حابه اتعبك معايا بس بدام م**م معنديش مشكلة يلا بينا

فضل جاسر شغال في الجنينه وجه وقت العلاج بتاعته قررت انزل عشان ادهولوا وفعلا نزلت واول ما شوفته كان باين عليه التعب اوي

بسرعه روحت ووقفته وقولتله: كفايه يا جاسر انت تعبت ابقي كمل بكره ويلا عشان تاخد علاجك الوقت اتاخر

ابتسم بحزن وقال: اياكي تلمسيني تاني انا هتوسخ منك اكتر ما هتوسخ من الارض وامشي من وشي مش عايز اشوفك

بصيت لاقيت ايده بتجيب دم مهتمتش لكلامه ومسكتها وانا حاسه اني سبب كل دا وقولتله: ارجوك كفايه ايدك كلها دم تعالي عشان اعقمها ليك وبعدين هطلع ومش هخليك تشوفني تاني

بصلي وقال بحزن: النزيف دا ولا حاجه يا حور النزيف الحقيقي هنا في قلبي اوعي سبيني

مشي وسابني وانا وقعت علي الارض من الانهير رجلي مبقتش شيلاني ومبقتش عارفه اعمل اي وقررت اول ما الاقي كريم هحكي لجاسر كل حاجه....

ياتري سعاد هتخلي سامية تعمل اي عشان توقع سمير... وياتري هيعمل اي ساعتها.... وهدي هتوافق علي ادم ولا هتعمل اي... وحسن فعلا هيخلي ام حور تكلمها ولا اي... ونور وعمر هيعملوا اي.... وسهير ناوية علي اي تاني... هنعرف الحلقات الجاية لسه اللي جاي اتقل انتظرونا....