RACHEL
Nandito kami ngayon sa restaurant at hinihintay namin ang order namin na pagkain. Si Reighn naman ay masayang nagkukwento sa akin. Tuwang-tuwa siya practice race ko. Puro papuri ang naririnig ko mula sa kanya.
Dumating ang pagkain namin at hindi pa rin bumabalik si Adam kaya naman nagpaalam ako kay Reighn na lalabas ako para hanapin ang daddy niya. Lalamig na kasi ang pagkain ay wala pa rin siya. Hinanap ko si Adam pero hindi ko siya nakita. Kaya mas pinili ko na lang na balikan si Reighn. Pero agad na kumunot ang noo ko dahil nakita ko na hinihila ni Nate si Reighn at umiiyak na ito.
“Bitiwan mo siya!” sigaw ko kay Nate.
“You again,” nakangisi na sabi niya sa akin.
“Sabihin mo ‘yan sa sarili mo. Huwag mo nga siyang hawakan.” inis na sabi ko sa kanya.
“At sino ka para utusan a
