“Boss, huwag naman ganyan. Huwag ang kapatid ko!” pakiusap kong maluha-luha na. nanginginig kong hawak ang baril sa aking tagiliran.
Bigla niyang kinalabit ang gatilyo ng baril.
Ngunit walang putok. Walang bala ang itinutok niyang baril kay Denzel.
Tumawa si Mael.
Naihi si Denzel sa kanyang salawal.
Akmang ilalabas ko na sana ang aking baril sa likod ko.
Lumapit siya sa akin. Hindi ako natawa. Hindi nakakatawa ang ginawa niyang pananakot sa kapatid ko. Sinabayan siya nina Kokoy at ilan pa niyang tauhan ngunit hindi sa akin. Paano yung trauma kay Denzel ng ginawa niyang iyon?
“Ano? Ang seryoso mo bata!” Tinapik niya ang likod ko, “Sige, ikaw na ang bahala sa tatlong batang ‘yan ha? Basta siguraduhin mo lang sa akin na hindi sila magkakalat.”
Tumango ako. “Huwag kayong mag-alala. Ha
