Inumaga na lang si Anastasia sa paghihintay pero walang David na umuwi sa mansyon. Kinuha niya ang cellphone ng tumunog ito. Isa na naman itong litrato ni David at nang babae na pumasok sa isang hotel room.
Napahawak siya sa dibdib dahil sa sakit na nararamdaman niya ngayon. Bakit? Anong nangyari? Bakit nagkaganito? Anong problema nilang mag-asawa? Bakit wala siyang alam na may problema na pala sila?
Ang daming tanong sa isip ni Anastasia na alam niyang tanging si David lang ang makakasagot. Pero nasaan na nga ba ang taong 'yun? Ang taong tanging makakasagot sa mga katanungan niya.
Gusto niyang puntahan ito sa opisina para kausapin ito pero ayaw naman niyang malaman ng mga tao na nagkakaproblema sila. Baka hindi niya mapigilan ang sarili at mag-away sila sa kompanya nito. Kahit papaano
