#20

2661 Words

شروق : السلام عليكم ⁃ ....... شروق : مرحبا دكتور ولو عندك مرضى بس حالتي مستعجلة ⁃ ...... شروق : سألت على هواية دكاترة ونصحوني بيك ⁃ ...... شروق : حياتي واكفة عليك اترجاك جاوبني ⁃ ش ش شت شتر شتريدين ؟ شروق : بس شنو اسمك ؟ ⁃ س سم سمير شروق : اكدر اكعد علمود تعايني نظر اللي بهدوء وخوف نهض من مكانه ببطىء وجلس على كرسيه الرث حتى عجلاته م**رة ! جلست امامه سمير : من ش شنو تش تشت تشكين ؟ شروق : دتصير عندي دوخة ودا اتخربط سمير : ي ينرادلج تحليل دم شروق : تسوي انت لو وين ؟ سمير : اييي ك كعدي ه هسة احظر الغراض شروق : ماشيي انه يرتجف من كثرة التراب المتجمع على شعره فشعره لا يتحرك ! ما هذه الحالة تقدم نحوي واشار لي بان اعطيه يدي حسناً وخزة حقنة لن يحدث شيء اراد ان يربط الشريط لكن لا قوة له على ذلك فربطته انا اتى ليدخل الحقنة ما هذا ؟ أنها حقنة بلاستيكية ! هل يضحكون عليه ؟ نظر اللي وأبتسم سمير : سحبنا الدم ب باجر يلا يطلع شروق : ححاول اجي باجر اخذ التحليل سمير : م ماشي شروق : شكراا كلش دكتور تعبتك سمير : اهلاً وسهلاً شروق ? اتصلت على المديرة لتفتح الباب فتحت الباب فور خروجي اغلقته مجدداً شروق : باجر حجي من الصبح وحجيب ويايا ناس علمود ننظف ونرتب الغرفة والدكتور سمير مديرة المركز : اني ممسؤلة عن اللي حيسوي هلمخرف هذا شروق : رجاءاً رجاءاً لتكولين عليه مخرف هو بسببكم هشكل صار وتدهورت حالتة جان المفروض تاخذوا لدكتور نفسي وينطوا ادوية ومتابعة باستمرار مجان وصل لهلحالة مديرة المركز : ممكن تكوليلي يا ادوية تنطي بهلحالة ؟ شروق : بلبداية ينطي عقاقير ترفع مستوى الأستايلكولين هلشي ممكن يحسن ذاكرتة و يحد من سرعة تدهور القدرات يعني نكدر ننطي ميمانتيين ، كيلاكتامين ، دونبيزل او ريفاستيجمين وهمين ننطي ادوية تقلل نسب القلق و الاكتئاب و تهيج المشاكل الذهنية مديرة المركز : وانتي على يا اساس تشخصين ؟ شروق : اني ويايا بكالوريوس بلطب العام من أحسن جامعة بسوريا غير أني اقرا كتب نفسية واعرف كل حالة شلون لازم نتعامل وياها مديرة المركز : اللي تريدين تسوي تسويه والباب مقفول شروق : ميحتاج تقفلين الباب اني اصلا حطلعة بلحديقة اني اضمنلج سلامتكم محيسويلكم شي مديرة المركز : أي ضرر يصيبنا انتي المسؤلة شروق : ماشي مع السلامة خرجت من الدار كيف سأتصرف الأن ؟ حسناً خطر ببالي شخص سيساعدني كثيراً ولكن هل هو موجود الى الان ؟ عدت الى المنزل شروق : سلاااام باسم : هلااا ظل بالنا يمج بنتي شروق : لتخاف حبيبيي ميصيرلي شي باسم : مجوعانة شروق : لالا جيت اطمنكم عليا واكمل جم شغلة باسم : وين ؟ شروق : جم شغلة ببالي بس احتاج دعائمم باسم : حبيبتي الله يوفقج ويسهلج اللي دتسوي شروق : تسلم يا نطر عيني ماما وين ؟ باسم : دتسبح شروق : بوسلي ياها من تطلع يلا بااي باسم : الله وياج شروق ? حسناً هذا هو المنزل لماذا قاموا بتغير الابواب يا الهي حسناً حسب تذكري فهذا كان المنزل كبست على الجرس فتح الباب طفل شروق : هلوو يحلوو الطفل : اسمي عمار مو حلوو شروق بضحكة : ماشي عمار عندي سؤال عمار : تفضلي شروق : حبيبيي بابا اسمة احمد ؟ عمار : ايي ليش ؟ شروق : تكدر تصيحلي يا عمار : ليشش شتسوين بي ؟ شروق : اريدة ضروري كلة اكو وحدة تريدك عمار : ماشيي ، باباااا بااااب احمد : هااا عمار : اكو وحدة تريدك احمد : شنوو؟ عمار : وحدة علباب تكلي صيحلي ابوك احمد : مكالتلك اسمها؟ عمار : لااا احمد : ماشي من تكون خرجت لارى من هي لا اعرفها لم اراها من قبل نظرت إليها فأبتسمت ماذا هل هذه مجنونة؟ شروق : مرحبااا احمد : مرحبا تفضلي شروق : لاه لاه شهلرسمية سيد احمد احمد : عفواً تعرفيني ؟ شروق : شوكت تزوجت وصار عندك طفل افندي معرفت تحجي وتكول محنض*بك عين والله احمد بأستغراب : عفواً مخربطة بلعنوان شروق : لا بربك ؟ والدفعات اللي جنت تدفعني ياها والطوبات اللي جنت تشمرها وتخلوني بوجه المدفع ؟ والجامة اللي **رناها وختلتوا كل هاي ومخربطة ؟ احمد : شروووووق شروق : اييي شروووق احمد : لجج ويننجج اخافيتي فجأة شروق : ظروووف احمد : الجنتل مالتج بعدة موجود شروق : لتحجي عليه لككك احمد : فايتة تتعارك دفوتي شعندج علباب هسة يسووني دا اخون مرتي شروق : وين شفتها للخاتون ؟ احمد : تعرفيها عز المعرفة وداعة عيونججج شروق : لاا سوري الجنتل ميقبل احد يمدح بعيوني احمد : لو ما العيب جان حجيت حجاية بس خليني ساكت شروق بضحكة : دوخر خلي افووت دخلت الى المنزل نظروا اللي بأستغراب جميعهم ماذا هل تغيرت الى هذه الدرجة ؟ شروق : سلااااممم ام احمد : منو هااي ابني ؟ احمد : بنية هند : ترى نعرف بنية بس منيا؟ شروق : هاااي مرتك حمووود ؟ احمد باستغراب : نعم ؟ هند : شهالاسلوب ؟ احمد : شبيج يمعودة شروق : ياااا بعدك مكايللهم انت ؟ احمد : شكوللهم ؟ شروق : على فكرة زواجنا هند : يا زوااااج هااي شدتحجيييي شدتخربط ام احمد : احمد ابني فهمنا شلقصة شروق : اني افهمج خالة احمد : كعدي راحة مناقصيين مشاكل ام احمد : وخلخالة انتي من يا مصيبة جيتينا؟ شروق : خالة اني مصيبة على راسكم من واني صغيرة ام احمد : منو هاايي ؟ شروق : يعني والله زعلت لان معرفتوني جنت بمثابة بتكم هند : منوو انتي ؟ شروق : يعني سويتيها وتزوجتيي ؟ هند : انتي على يا اساس تحاجيني هيج ؟ شروق : على اساس الحصو اللي جنتي تكتبين عليه حرف احمد وتضمي يمي عينيييي هند : عزززة شرووووووققق شروق : اييييي فار التجارب مالتكمممم قفزت هند اللي وعانقتني ام احمد : شروقة حبيبتي مشتاقيلج عيوني شروق : واني الاكثر والله جذب انتباهي صورة والد احمد وعليها شريط اسود شروق : عمووو توفى ؟ احمد : اممم قبل سنتيين شروق ببكاء : ياااا الله يرحمة جنت اتمنى اشوفة احمد : وريحم موتاج هند : وين اختفيتي يمعودة شروق : رحنا لسوريا بغمضة عين وهسة اضطرينا نرجع هند : محتطلعون بعد ؟ شروق : بلييي دننتظر معاملتنا تمشي هند : احنا همين قدمنا بس لي هسة كلشي ماكو شروق : الله كريم كلها بلصبر ام احمد : بيت ابو علي شصار منهم ؟ شروق : راحوا لامريكا كلهم ام احمد : خطية الله يوفقهم شروق : ايييييه ام احمد : اخليكم براحتكم شروق : لا خالة بقيج ام احمد : لا حبيبتي تعبت من الكعدة اريح ظهر يورجليا شوية شروق : حبيبتيي الله يساعدج هند : خلي اسوي كهوة واجي شروق : ديلا منتظرريييج احمد : الجنتل متقدملج؟ شروق : لااا تدري درسنا طب ووقت ما عدنا وهسة سافروا فالله كريم علما نخلص احمد : لج الحك اصير جد وبعدكم ممخلصيين شروق : كلشي قسمة ونصيب انت شلون تزوجت هند احمد : حبيتهااا مع الاسف شروق : لتروح تسمعك احمد : لا دائما اكوللها ليلة سودة شروق بضحكة : ليش يول احمد : هيج اداهرها بس هي احلى شي صار بحياتي شروق : هسة جانت ليلة سودة احمد : شوية هيج وشوية هيج هند : سويتلج بلكوب ادري بيج فنجان ميكفيج شروق : ايي والله هند : بلعافية عيوني شروق : هسة اريدكم تفتحولي اذنكم وعقلكم زين احمد : ليشش تريدين تجربين بينا شروق : اذا حتظل تقاطعني مححجي احمد : يلا احجي شروق : محتاجة مساعدتكم ومعارفكم هند : علمود شنو ؟ شروق : رحت لدار العجزة وهناك شفت غرفة مكتوب عليها الدكتور سمير وقافلين الباب عليه من فتت مشفت غرفة وانما شفت شي مكان كلة حشرات وعفونية ومو مكان يليق بدكتور هو من منعوا من شغلة متحمل السالفة فصار عندة مثل صدمة ودخلوا سجن وبعدين نقلوا لدار العجزة وخطوا بهيج غرفة فحالتة سائت وحسب مشفت اني صاير عندة خرف بس حرام هيج دكتور يكعد بهيج مكان فأريدك تجيبلي ناس يفهمون بجم شغلة احمد : وشنيا الشغلات؟ شروق : يعني نحتاج صباغ ، حلاق ، نجار و دكتور نفسي وممرضة تتابع حالتة بأستمرار و همين فد ولديين يكونون يم الباب علمود اذا راد يطلع ويتهجم او يسوي شي يأذي بي احد وهمين محتاجة ل**بات بلاستك تكون باحجام واشكال مختلفة اصلا اريد انزل للسوك كومة غراض اريد احمد : شروق شناوية تسويين ؟ شروق : تجون ويايا ؟ هند : ويين؟ شروق : بس امشوا ويايا ومحتخسرون شي هند : زيين شروق : يلا كوموا بدلوا انطوني مفتاح السيارة انتظركم بيها احمد : لج وين شروق : بدون وين وما وين يلااا احمد : لا اله الا الله شروق : محمد رسول. الله يلاا جييب احمد : هاااج شروق : منتظرتكمم مو تتأخرووونن لكمممم اخذت المفتاح وخرجت اين السيديات حسناً هذا لكاظم وضعته وجلست في الوراء انتظرهم الى ان اتوا احمد : هم كاظم شروق : اييي العشق هذاا احمد : زين وين رايحين ؟ شروق : اريدك توديني لسوك كلشي بي ال**ب اصباغ بردات مكاتب كلشي وكلاشيييي احمد : بغداد الجديدة احسن شي شروق : ماشييي يلااا شروق ? وصلنا الى السوق لا أعلم من أين ابدأ حسناً بدأت بلستائر اخترت واحدة بيضاء منقشة بلورود بعدها اشتريت العديد من الاصباغ ابيض اسود جوزي و احمر وايضا بعض ال**غ واللاصق نظرت الى المكاتب والى المال الذي تبقى عندي لن يكفي حسناً املك كرسي وطاولة بسيطة أستطيع تحويرها وصبغها تفي بلغرض والان بقيت الال**ب احمد : بس كوليلي شحتسوين بالال**ب ؟ شروق : جيبلي هذيج الفوك ما انوشها احمد : والله اجيبلج ياها بس شتسوين بيهم شروق : بس نرجع اني اكلك احمد : هااج شروق : وجيب الولد اللي مثلها احمد : لج هواية صاروا شروق : ميخالف واريد صغار همين و اريد ادوات طبية تكون بلاستك احمد : غير تفهمني شتسوي بيهم هند : هييج يعني شروق : فدوة للي يفهمنييي احتاج منها ثنتيين يلاا نروح نحاسب احمد : عندج فلوس لكل هذول ؟ شروق : ايي حاسبة حسابي دفعت المال وخرجنا فتذكرت شيء شروق : لحظة لحظة لازم نرجع لابو الاقمشة احمد : ليشش ؟ شروق : نسيت اشتري قماش ابيض احمد : شتسوين بي ؟ شروق : احتاجة وهاااا اريد اروح مكتبة احمد : شتسوين بيها ؟ شروق : هسة وديني انت عدنا الى محلات الاقمشة اخذت قماش ابيض وذهبنا الى المكتبة اشتريت دفتر ملاحظات واقلام و سبورة صغيرة احمد : خلصتيي ؟ شروق : ايييي هسة احتاجكم تجون يمنا شوية احمد : شتريدين بعد ؟ شروق : انت روح جيبلي حلاق وصباغ و ممرضة زينة وشكد متريد ندفعلها احمد : حلاق وصباغ محلولة وسهلة بس تبقى الممرضة هند : بنت خالتي دتدرس تمريض تكدر ورا مترجع من الكلية تروح تكمل هناك شروق : ميساء ؟ هند : اييي شروق : خووش هسة بس نرجع خابريلي ياها هند : ماشيي شروق ? وصلنا الى منزلنا القوا التحية على والداي وانزلنا الاغراض ذهب احمد ليتكلم مع الصباغ والحلاق بينما جلسنا انا وهند في الحديقة نرتب الاغراض هند : شحنسوي هسة ؟ شروق : بااعي اريد هذا الدكتور يشوف كلشي كدامة حقيقي شوفي اني جبت صبغ احمر مسألتي لــــيش ؟ هند : غير تصبغين بي ؟ شروق : لااا شوفي حنخفف هذا الصبغ بلماي وال**غ علمود يصير لزج وخفيف وبهاي الابر الجبيرة حنحاول نحشي هذول الل**بات بهذا الصبغ علمود الدكتور من يتخيل روحة ديسوي عملية يكون كلشي كدامة مثل الحقيقي هند : من هشكل اشتريتي ل**بات بلاستك مو محشايات شروق : اييي وباشكال واحجام مختلفة لان هو يتخيل انو هذول بشر كدامة هند : ماشييي شروق : حروح اجيبلج انجانة وخبطي بيها علما انزل الكرسي والميز من فوك هند : تمام شروق : ماماااا ماااام باسم : شتريدين ؟ شروق : وين ماما باسم : بلمطبخ شروق : عذوررررة عذراء : كولييي شروق : جان عدنا كرسي بغرفة الفوك وميز متريديهم؟ عذراء : شسوي بيهم شروق : راح اخدهم احتاجهم عذراء : شتسوين بيهم؟ شروق : اريد اساعد شخص بيهم عذراء : روحي اخذيهم شروق ? دخلت الى الغرفة لم استطيع التنفس من الغبار ولكن لا بأس اخذت افضل كرسي من بينهم ووجدت طاولة اخرى مناسبة اكثر لم استطيع حملها بوحدي ناديت لهند فساعدتني بحملها جلست هند تدخل الصبغ الى داخل الدمى وانا اطلي الكرسي والطاولة لم نشعر بلوقت يمشي فجأةً أظلمت الدنيا واحمد لم يعد بعد هند : اوفف يابااا شروق : شكم وحدة بقتلج؟ هند : 3 شروق : عاشت ايدج رجلج تأخر هند : هياتة اجى شروق : لعد شكد حماتك تحبك احمد : الصباغ والحلاق باجر بـ8 الصبح يمنا يكونون شروق : كلششش حلووو احمد : وخابرت ميساء مكالت شي البنية تخلص كليتها وحتمر للدار شروق : خووووش هسة شو باوعلي بلة احمد : متكوليلي شدتسوين ؟ شروق : دقيققة احمد ? ركضت الى الداخل هذه لن تعقل ابداً عادت ومعها سنتمتر احمد : شحتسوين ؟ شروق : بس لو تصبر شوية جان الدنيا بخير بدأت بأخذ القياسات له و على كل قياس اضيف سنتيميين شروق : هاي هيي احمد : شتسوين بقياساتي ؟ شروق : علمود اخيط الص*رية احمد : واني شكو شروق : هذا الدكتور يطلع بطولك يجوز شوية اكصر وهمين هيج بعرضك يعني فانت اقرب شي اخذ قياسات على كدك احمد : خووش هسة شسوي ؟ شروق : تعال ويايا احمد : وين شروق : ترى محخ*فك يمعود احمد : بربج التراب خنكما سدي الباب شروق : لا حنفوت ونطلع المكينة همين احمد : يا مكينة؟ شروق : مال خياطة علمود اخيط البردات والص*رية احمد : ماشيي شروق : بس ادفع هلخشبة لانو ثكيلة احمد : دوخري شروق : لا متكدر بوحدك احمد : هذا الصندوك مو؟ شروق : اييي احمد : وخري شروق : لا ظهرك مو زين اني وانت نشيلها رمقني بنظرة جعلتني ابتلع ل**ني ابتعدت وانزلها هو نظفتها جيداً ونصبتها وجلست اخيط بينما هو اكمل طلاء الطاولة فتوجد اماكن لم أستطيع طليها جيداً 10:30 PM ? هند : اووففف يابااا ركبتي راحت والله شروق : ادري تعبتكم والله اعتذر منكم بس ما عندي غيركم شوفوا احنا 3 وبلكوة كملنا لو بوحدي شلون هند : يمعودة مو عيب هيج تحجين اخوة احنا شروق : اروحلكم فدوة عذراء : تعالوا اكلوا عيوني العشة صار احمد : لا خالة دنرجع للبيت صارت 10 ونص امي وعمار بوحدهم عذراء : ويييي جان جوي يمنا شنو غربة انتو احمد : تسلمين خيرها بغيرها عذراء ؛ دفوتوا تعشوا وبعدين روحوا احمد : لا خالة تسلمين غير مرة عذراء : بيت بيتكم حبيبيي احمد : تسلمين يلا تصبحين على خير شروق : شكراا كلش هند واحمد محنسالكم هاي وكفتكم ويايا احمد : دسكتي بابا باجر بالـ8 تكونين جاهزة ونتوكل شروق : ينشفون منا لباجر مو ؟ احمد : اييي دنيا حارة يمعودة هسة بعد ساعة تلكيهم ناشفيين شروق : خووش هند : يلاا اشوفج باجر شروق : حبيبتيي تسلمين بعدما ذهبوا نظرت الى منظر الحديقة انها في حالة مزرية تذكرت القطعة من سيكتب اسمه ؟ حسناً والدي خطه جميل اخذت السبورة والطلاء الاسود وذهبت اليه شروق : بسوومييي عذراء : تريد شي باسم بضحكة : كوليي شروق : شي بسيطط باسم : واضح بسيط من منظرج شروق : والله بسيط مجرد تكتب دكتور سمير وهاي هي باسم : سهلة اذا هيج شروق : هذا صبغ اسود جاهز وهاي سبورة جبتها مال طباشير علمود مينمسح وصبغتلك ياها بيضة وششوف حتى لزكت علحواف شريط رصاصي علمود تبين حقيقية وهاي فرشة مال كتابة علمود تجي عدلة باسم : جيبيي شروق ? خط والدي اسمع بينما اكملت انا تعزيل الحديقة والبست الدمى ملابسهم ورتبتهم بأكياس مناسبة كويت الص*رية ورتبت الستائر احتجت مساعدة والدتي في أمر الستائر أكملت كل شيء استحممت وحظرت ملابسي للغد لم اشعر بتعب الا عندما جلست على فراشي رأسي ظهري خاصرتي قدمي كل شيء بجسدي يؤلمني ولكن لا بأس اذا هذا الشيء سيساعد هذا الشخص فتحت اللابتوب لأتصل بسيف سيف : واخيرا جينا على بالج شروق بضحكة: حقك عليا بس والله طالعة من الـ8 الصبح لي هسة مكاعدة ولا دقيقة سيف : شنو من الصبح لي هسة بدار العجزة ؟ شروق : لاا صارت كومة سوالف سيف : احجي احجي شعدنا شو كاعديين شروق : جذااب بس تعجبك حركاتي من احجي سيف بضحكة : اييي شروق : بس لتضحك علمود اعرف احجي لان اتوتر سيف : لا سكتت سيف ? بدأت تخبرني بماذا فعلت لم تهدأ ابداً تتحدث وتتحرك لا تعرف التحدث دون ان تحرك يدها وتفعل حركات بوجهها دائماً تبهرني بشجاعتها قوتها شخصيتها تصرفاتها في كل مرة تفعل شيء يجعلني انبهر بها اكثر واعجب بشخصيها واحبها اكثر واكثر بينما هي تتحدث عيناها بدأت بالانغلاق لم انبهها ابداً فأنا اعشق نومها اثناء حديثها معي هاي هي معشوقتي القوية فهي لا تستسلم ابداً لم اراها يوماً تنام برضاها دائما التعب يتغلب عليها متى سأراها ياربي اسفة علتأخير بس تفاعلكم ابد مدا يشجعني

Free reading for new users

Scan code to download app

App Store Google Play

Facebookexpand_more