#14

1966 Words

سيف ? وصلنا إلى سوريا اخذنا سيارة من المطار الى المكان الذي استأجره لنا صديق والدي انها تشبه بغداد اعتقد اننا في الجنوب الان اسم المنطقة جرمانا او هكذا شيء كانوا يتحدثون عن المكان وماذا سيفعلون الا انا كنت افكر بشروق ماذا ستفعل بدوني وانا ايضاً ماذا سأفعل بدونها؟ بعد ساعات وصلنا الى المكان المطلوب نظرت إليهم كانوا جميعهم يائسيين لا توجد ابتسامة على وجوههم سحبت نفسي بصعوبة وبدأنا بأنزال الحقائب باسم : اني حروح اجيب شي ناكلة علما تكعدون الشقة شوية وتسوون مكان للكعدة سيف : جاي وياك باسم : اخاف يحتاجوك بقيك يمهم علي : يابا انت ابقى تعبان اني وسيف نروح نجيب ونجي باسم : ايي والله ياريت علي : يلا دقايق ونرجعلكم سيف : مضايج ؟ علي : شسوي يعني مو احسن ميصير بيهم شي ؟ هذول امانة بركبتنا سيف : ايييه علي : انت الى متى ناوي تظل هيج ويا شروق ؟ سيف : شلون يعني ؟ علي : سيف كلش زين ندري انو تحبون بعض بس ميصير هيج ماكو ايــــــــــ❥ـيے علاقة تربطكم سيف : علي بس كلي من اروح اتقدملها شكول لابوها؟ وين حكعدها ؟ علي : بلعراق جان بيتنا جبير جنت تكدر تكعدها ويانا سيف : وانت شفت هسة شصار بحالنا انت هسة لو مو خريج ودتشتغل منين جان عيشت مرتك ؟ علي ترى اني بعدني ادرس والطب ينرادلة خلك شلحك اسوي واسوي ؟ ادرس لو اشتغل لو اعيشها لو البس طلباتها؟ علي : لعد لجان بينت حبك للبنية وخليتها بهيج موقف سيف : هي هم تحبني علي : لو مشايفة اهتمام منك مجان تعلقت بيك بزيادة سيف : ما ادري شسوي علي : ولشوكت هيج حتبقون ؟ سيف : لحد منتخرج علي : لكك شكاعد تحجي ؟ منا لـ7 سنين اذا تخرجتوا كلش زين اذا مو اكثر سيف : ما اكدر هسة علي شبيك علي : غلط سيف سالفتكم كلها غلط لو ترتبط بلبنية بشكل رسمي لو متنطيها وعود وامل بس هيج سيف : الله كريم تنحل علي : دنشووف شلون حتنحل شروق ? مرت ايام ولم يتصل احد فقط علمنا انهم وصلوا بأمان ولكن لم نسمع صوتهم اشتقت لهم كثيراً كانت ايامنا لا تسير بسهولة كل يوم كانه عام بلنسبة لنا انظر الى الصور كيف كنا وكيف اصبحنا ؟ ماذا سيحل بنا اكثر من هذا اغلقت العلبة عندما نادتني والدتي شروق : اجييييت عذراء : تعايي حبيبتي اريد احاجيج بشغلة شروق : ايييه كولي عيوني عذراء : شوفي اليوم خابرتني ام حاتم شروق : اييي؟ عذراء : همة بامريكا هاي من الـ95 هناك وابنها ديدرس طب اسنان وناس مثقفة وفاهمة وعايشين خوش عيشة شروق : بدون متكملين كوليلهم ما عدنا بنات للزواج عذراء : ليش يا بنتي هو خوش ولد وهم تخلصين منا شروق : ما اريد عذراء : زين اكو احد بكلبج ؟ شروق : لاا ماكو عذراء : دكوليلي يا عيني هاي جم واحد تقدملج وانتي ترفضين الى متى ؟ شروق : هسة خليني بدراستي وبعدين ما اتزوج هيج من احب واشوف الشخص المناسب عود الله كريم عذراء : يا بنتي شروق : لتحاولين مام عذراء : بكيفج بس خوش ولد هو شروق : لو يكتب امريكا باسمي ما اريد هاي حلوة هااي عذراء : بكيفج عليمن هيج راسج قوي شروق : يا ماما ما اريد وين القواية بلموضوع عذراء. : ديلا شسويلج شروق : من رخصتج عذراء : خابرتني ميس شروق : صدددككك شكالت ؟ وشلونهم؟ عذراء : زينين بس خطية سيف مودي مستشفى شروق بفزع : للييشش شبي ؟ عذراء : اغمى عليه فجأة شروق : ياااا و وشلونة هسة؟ عذراء : متدري هي بلبيت همة بعدهم بلمستشفى شروق بخوف: الله يكومة بلسلامة ياربي تركتها وركضت الى الاعلى ماذا حدث له كنت اعلم انه مريض ضعفه ليس طبيعي وايضاً اخر فترة اصبح وجهه شاحب كثيراً والاصفرار لا يذهب منه وكان دائما يشعر بلغثيان يا الهي سأجن ما به فليتصل احد ويخبرنا بشيء عذراء : مو دا اصيحج وينج ؟ شروق : كاعدة وين يعني عذراء: شروق بنتي شبيج شروق : ما بيا شي عذراء : من يوم اللي سافروا وانتي مو طبيعية شروق : اشتاقيتلهم خصوصا ميس عذراء : ميسس؟؟ شروق : ايي ميس مكانها ديبين تعودت عليها اني عذراء : استهدي برحمانج حيجي يوم ونشوفها شروق ? قبل أن اجيبها لم نشعر الا والزجاج يتطاير في كل مكان وصوت لشدة قوته يجعلك تشعر انه بجانب اذنيك لم أعلم ماذا افعل نظرت الى والدتي التي سقطت الساعة عليها فجلست مكانها تمسك برأسها ويدها ملطخة بلدماء نظرت الى نفسي توجد بعض الخدوش بيدي ورقبتي تحرقني لم ابالي لنفسي ركضت الى والدتي شروق : ماام جاوبيني خوما بيج شي ؟ عذراء بتعب : لاا انتي خوما صارلج شي. شروق : لا ما بيا شي الباب ديندك عذراء : لتنزلين كعدي شروق : ليكون بابا خرجت من الغرفة ماذا حدث هل هذا منزلنا ؟ اريد فتح الباب لكنه لا يفتح طهبت الى باب المطبخ نفس الشيء لا استطيع فتحه شروق : منووو ⁃ فتحيي بنتيي شروق : عمو محمد محمد : ايي شروق : عمو الباب انقفل علينا ما اكدر افتحة محمد : وخري من يمة هسة ي**روا الولد شروق : ماشيي ابتعدت من الباب بعد عدة محاولات استطاعوا **ره يا ليتهم لم ي**روه ا انه والدي لماذا الدماء تغطي وجهه ويده ؟ لماذا يجلس بعجز هكذا ؟ ما به ؟ شروق بصراخ : مااماااا لحكييي عذراء : شصار شكو بعد شروق : شوفيي باباا شصاير بيي محمد : لتخافين بنتي هسة نودي مستشفى بس هو مقبل يروح لحد ميتطمن عليكم شروق : بابا يا نظر عيني كلي شديوجعك باسم : اهم شي انتو بخير شروق : والله زينين بس انت حبابين احد يودي للمستشفى محمد : انتو ابقوا هنا احنا نودي ونرجع شروق : مستحيييل رجلي على رجلكم Syria .. 4:30PM ابراهيم : شلون صرت هسة سيف بتعب : الحمد الله ابراهيم : سيف ادري وضعك ميسمحلك تحجي بس اكو شي ببالي اريد اسالك يا سيف : كول ابراهيم : انت من جنت بنينوى وين اختفيت 3 ايام ؟ سيف بتوتر : يا 3 ايام ابراهيم : صديقك كلي انو 3 ايام مرجعت للسكن ومن رجعت كبل لميت ملابسك وجيت سيف : هييج ابراهيم : سيف وين جنت سيف : ولا مكان ابراهيم : لتخليني اوصلها لابويا سيف : ماشي ماشي اكلك بس لتكول لاحد ابراهيم : كول سيف : هددوني ابراهيم : منوو ؟ وشلون ؟ وليش مندري ؟ سيف : ما اعرفهم بس رادوني اشتغل لصالحهم فرفضت راوني افلام ت***ب وهلسوالف مجنت اكدر اسوي شي وكالولي ابوك يشتغل لطائفتة وهو بأيدنا ونعرف كل افراد عائلتك واذا متهاجرون لو راسك لو راسهم ابراهيم : وشلون طلعت من يمهم ؟ سيف : صار انفجار وجتي من صالحي صح ايدي تأذت بس كدرت اطلع رحت كبل لميت غراضي ورجعت لبغداد جنت ناوي افتح هلموضوع ويا ابويا بس سكتت وجان ببالي اعوف الطبية واحول لجامعة ببغداد بس صار اللي صار ابراهيم : لو ابويا يعرف ينجلط سيف : شحدك تجيبلة سيرة ابراهيم : الله كريم سيف : ابراهيم اذا صارلي شي ابراهيم : حتوصيني على شروق سيف : لتخليها تنقهر وتضوج وقنعها تتزوج وتكمل حياتها ماشي ؟ ابراهيم : انت حتتزوجها واسكت وبلا هلغوة خلي نشوف شبيك بالاول سيف ? نظرت اليه وابتسمت هل نسوا انني ادرس الطب ؟ اعلم جيداً ما بي والتحاليل اكدت هذا ولكن لا اريد ان اخبرهم اتمنى ان يحدث خطأ ولا تخرج تحاليلي هنا اغمضت عيني محاولاً نسيان ماذا يحدث فأتت عيناها في مخيلتي تخيلتها امامي مسكت يدي وقبلت رأسي محاولة تهدأتي فتحت عيني على صوت الباب الممرضة : مرحبا ابراهيم : مرحبا تفضلي الممرضة : الحكيم بدو حدا من ئرايب المريض منشان النتيجة تبع التحليل ابراهيم : ماشي الممرضة : تفضل معي علي : وين ابراهيم : الدكتور يريد واحد من كرايب المريض علمود يكلة النتيجة علي : جاي وياك ابراهيم : روح يم سيف بوحدة علي : حتخبل واعرف النتيجة امشي الممرضة : تفضل دكتور هولي ئرايبين سيف جمال : تفضلوا ابراهيم : ياريت تكوللنا النتيجة بسرعة جمال : ما بعرف كيف بدي ئلكون ياها بس بتمنى ما تخافوا دغري كلشي في الو حل وعلاج علي : تفضل دكتور جمال : خيكون معو كانسر بمعدتو بس بعدو باول مرحلة ما تخافو العملية حتكون هيني كتير علي : دقيقة دتكول سرطان وبلمعدة والعملية سهلة ؟ جمال : صحيح هي مو كتير هيني بس لساتو باول مرحلة نسبة شفائو بتكون 90% ابراهيم : شنو سببة ؟ جمال : بيجوز يكون وراثة او شرب او انئهر شي ئهري كبيري او صدمي مكان متوئعة او فايروس او قرحة وتحولت لهل مرض يعني في عدة اسباب ما بنئدر نشخص شو السبب بس اهم شي انو نعلمو العملية بسرعة علي : شكد تكلف ؟ جمال : ازا المشفى اهلي بتكلف كتير بس ازا حكومي ما بتكلف بنفس الدرجة علي : ماشي دكتور كمل الاجراءات انت وشوكت متنطينا وقت احنا وياك جمال : المشفى شو بدكون ياه؟ علي : حكومي جمال : ماشي بخلص كلشي وبعطيكون خبر علي : شكراا جمال : معافى ان شاء الله ام علي : هاا بشروا شنو النتيجة ابو علي : شبيكم واحد صافن باللاخ ؟ سيف بأبتسامة : كانسر كاللكم مو ؟ ابراهيم : نعمم ؟ علي : شمعرفك ؟ ابو علي : كانسر شنو سيف : وبلمعدة همين ؟ والسبب ممعروف ؟ علي : شمدريك ؟ سيف : مسوي تحاليل قبل ونفس الكلام ابراهيم : وليش محجيت سيف : منين ؟ ابراهيم : لو نعرف نتداين نشتغل ليل ونهار ونجيبلك ياها سيف : يمعود ابو علي : احد يفهمني شديصير سيف : ماكو شي يابا مجرد عملية صغيرة يشيلون الكتلة وهاي هي ابو علي : عملية شنو ؟ هاي شدتخربطون ام علي : يمة ابني حيروح من ايدي سيف : وين اروح يمعودة هياتني ما بيا شي ابراهيم : لتخافين يوم ام علي : لكم شلون ما اخاف ليش سهل هلمرض مشفتوا ششفنا بابوكم؟ سيف : يووم عملية سهلة مينرادلها شي صدكيني بس تذكريني بصلاتج وكلشي يهون ام علي : ياربي لطفك يعني يا هم ويا هم اشيل هذاك اللي مرتة متحبل لو هذا المريض لو بيتنا اللي كضينا عمرنا كلة نجمعلة وبنينا طابوكة طابوكة عفنا بغمضة عين ابو علي : متسوها بمستشفى حكومي علي : لعد شلون ابو علي : نبيع البيت ام علي : لالالا حتخبل شيبقالنا ابو علي : ابني اهم مْـٍـً↻ـًـِْـنٓ البيت لو اعرف اكدي ام علي : يارب ساعدنا سيف : كلشي متبيع يابا اسويها بحكومي مينرادلها شي ابو علي : البيت حينباع وهاي هي سيف : ياباا ابو علي : كلت حينباع احجوا ويا الدكتور خلي يسوي العملية واوقع على وصل امانة بس ينباع البيت انطيلة الفلوس علي : ميقبلون ابو علي : لعد هسة اخابر ويبيعوا علي : لازم تكون وياه ابو علي : لا مسوي وكالة علي : لمنو ؟ ابو علي : لباسم سيف : يابا لتورطة للرجال بهيج شي ابو علي : ميصير شي هسة ارجع واخابرة Iraq .. 6:30AM ? شروق ? لم نستطيع في اليوم الماضي ان نعيد البيت كما كان فقط حاولنا تنظيفه ورتبنا مكان لابي لكي يستطيع النوم به براحة وحاولنا اغلاق الباب بأي طريقة لم نستطيع النوم ليلتها بأطمأنان ولكن لقد تعبنا كثيراً فغفونا بدون ان نعلم بأنفسنا استيقظت وانا اشعر بوجود شيء على رأسي فتحت عيني بصعوبة نظرت اليه يرتدي زي عسكري اشقر ينظر بخبث انه اجنبي يا الهي متى سيتركوننا متى سننتهي من احتلالهم شروق : متى ستتركوننا ؟ لماذا لا تجيب ؟ هيا اجبني هل تعتقدون بهذه تصرفاتكم تكونون رجالاً ؟ سحبني من قميصي وانزلني الى والدي و والدتي عذراء : عوفوا بنتي معليكم بيها ⁃ اخبريها ان ت**ت والا ن**تها بطريقتنا شروق : لن ت**ت لا هي ولا نحن لا تستطيعون اسكاتنا هذا بلدنا ونريد حقوقنا لا تستطيعون فعل شيء لنا مااذا تريدون هياا اجبنييي تتفوه بكلمتيين وت**ت ، الى اين ترحلوون لستم رجالل نساء بلدنا اشجع منكم باسم : سكتي شروق يكفي بنتي شروق : بابا ميكفي احتلونا هنوب يدخلون لبيوتنا شهلعيشة هاي باسم : خلص شروق اهدي محنبقى هنا شروق : محهدى ومحعوف هلبلد الا على جثتي يكفي طول حياتنا تعبانين من وعينا علدنيا حروب وعسكرية وكتل وذ*ح ونهب منا وبينا باكونا حتى مستقبل مظل عدنا مو عيشة هااي عذراء : شروق يكفي اللي ابوج بي يكفي شروق : الله ياخذهم ولينطيهم العافية ركضت إلى غرفتي لقد افرغوا الصندوق بعثروي اغراضي الا يكفي ان سيف بعيد وايضاً بعثر اغراضه بقيت اعيد جمعها كل شيء الا اغراض سيف

Free reading for new users

Scan code to download app

App Store Google Play

Facebookexpand_more