#13

1222 Words

17/5/2004 .. 2:30 PM ? شروق : مساء الخير عذراء : هلا حبيبتي مساء النور ام موسى : هلا حبيبتي شروق : عن أذنكم عذراء : تعاي بنتي كعدي شوية شروق : تعبانة والله والشمس حارة نار اصعد اسبح وارتاح ام موسى : حبيبتي الله يساعدج شروق : تسلمين خالة يلا عن أذنكم ام موسى : الله يساعدها هم طبية وهم حارة عذراء : ايي خطية تجي هلكانة ام موسى : اكلج عيني عندي موضوع وياج عذراء : تفضلي ام موسى : شو البنية وكبرت وماشاء الله العين عليها ليش متنطوني ياها لابني حيدر ويعيشها احسن عيشة عذراء : والله يا ام موسى ما ادري شكلج بس هلشي راجع لشروق وما اعتقد شروق تفكر بهلموضوع هسة ام موسى : انتي حاجيها واني انتظر منج رد عذراء : ما اعتقد حتوافق بس حطرح الفكرة عليها ام موسى : انتي هم اثري عليها بكلامج ويصير اللي بي الخير عذراء : الله كريم ام موسى : يلا اني اترخص عذراء : الله وياج عيوني اثناء خروجها اتت ميس وام علي ام علي : السلام عليكم عذراء : هلاا فوتوا ميس : ماما شدتسوي ام موسى يمنا ؟ عذراء : متعرفيها رادتج لموسى مصارت هسة تريد شروق لحيدر ام علي : شبيها راكضة ورا بناتج عذراء : ما ادري والله همزين مجان عندي 5 بنات جان حجزت كل وحدة لواحد من ولدها ، صدك شنو هاي الجدرية؟ ميس : لفينا دولمة فخالة كالت نجي ناكل يمنا لان بس اني وهي ومراوي بلبيت ابراهيم بلشغل وعلي هسة حيطلع وعمو ويا بابا واني اليوم عطلتي فكلنا نجي عذراء : و مراوي وين ؟ ميس : علما يطلع علي وتجي عذراء : خوش لعد اني كلت اليوم اسلك كبة واقلي بتيتة جتي الدولمة من الله شروق سمعت صوت ميس وام علي غيرت ثيابي وركضت اليه شروق : يااا هلااا زارتنااا البركة ام علي : حبيبتي شخبارج شروق : عااييشششة عذراء : مو هسة جنتي تعباانة وحتموتييين وبس تريدين تنامييين؟ شروق : يا يوم يا عيني انتي تعرفيني كلش زين اعرف سوالف ام موسى هسة بس اكعد يمها تظل تكلي شعرج وجسمج وعيونج وام حسين تحجي بطاريج ونهلة تكول لو ابني جبير جان اخذتها الة وووو فعلويش هلكلام ؟ اجفي خيري شري واصعد لغرفتي عذراء : اخخخ مننج شروق : هلمرة لمنو تريدني ؟ لحسن الكصاب ؟ عذراء : لاا ياريت ميس : ميجي ببالج شروق : منوو؟ عذراء : لحيدر ابنهاا شروق : عززااا هذا السكرجي ؟ اللي يومية بليل صوتة يلعلع بلمنطقة ومتعارك ويا هذا وذاك ؟ ميس : ايييي شروق : يووم كوليلها ما عدنا بنات للزواج شكتيلها؟ عذراء : كتلها اشوف رأيي شروق شروق : خالة بربج تقبليهاا هيج امي تجاوبها؟ ام علي بضحكة : وشبي المشكلجي ؟ محد ميكدر يتقربلج ميس : همم صددك وطول بعرض عذراء : وديدرس هندسة شروق : هندسة بلواسطات حبيبتييي الكل يعرف معدلة مجان يتخطى الـستين بس فلوس ابو تفوتة طبية همين ام علي : دفكري بيها بهاي واسطاتة يخليج تتخرجين من الطب باجر شروق : يااا خالة حتى انتي عليا وياهم ام علي : البنية شعدها غير بيتها ورجلها يا بنتي شروق : ياباا ما اريد اتزوج هاي شلوون هااييي اكلكم سدوا الموضوع شطابخين؟ ام علي : جبتلج دولمة شروق : ابووسس راااسسسججج تركتهم وذهبت الى المطبخ فلحقتني ميس ميس : هاي لو جايج سييف هم جان كلتي ما عدنا بنات للزواج ؟ شروق : ايييي ميس : عليمن تضحكين ؟ شروق : على كيفج انتي همين من جانوا يتقدمولج ترفضين اشمعنى قبلتي بابراهيم هاا؟؟ ميس : ديلا يلا على الاقل اني جنت معترفة بحبي الة شروق : ديلا عمي اوك اني احبة ارتاحيتي هسة؟ مروة : المن تحبييين هاا؟ ميس : هلاا مراوي شوكت جيتي لج مروة : هسة وخالة كاتلي انتو بلمطبخ فجيتلكم كبل شروق : مراوي فدوة لتكولين لاحد مروة : سيف مو ؟ شروق : شمدريج مروة : يعني مبينة لهفتج عليه ومن يجي تردلج الروح وبس نذكر اسمة ابتسامتج محد ميوصللها شروق : اممم تتوقعون همة منتبهيين؟ مروة : ما اعتقد لان خالة دائما تكول سيف وشروق مثل الاخوان وهيج فما اعتقد شروق : ايي الحمد الله ميس : زين لـــــ?ـــيـــــــشے ميتقدملج ؟ شروق : ما ادري بس بعدهي صغيرة ميس : اممم كوليلة ديجوني عرسان وهيج شروق : الله كريم خلي ناكل هسة 10:45 PM ? شروق ? انني انتظر أتصاله لماذا لم يتصل الى الان هفف اريد الحديث معه لقد اشتقت لصوته لا استطيع فتح عيني لماذا تأخر بالاتصال اليوم مسكت السلسال الذي جلبه لي اخرجت العلبة التي احتفظ بعا بجميع ذكرياتنا صورنا وهداياه التي يعطيني اياها كل عام دمعت عيناي في كل مرة افتح هذا الصندوق تنزل دموعي بدون سابق انذار مسحتها عندما رن الهاتف شروق بلهفة : سييييفففف سيف ? اعشق طريقة نطقها لأسمي عندما تجيبني على الهاتف خاصتاً اذا تاخرت على الاتصال بها تقول أسمي كأنها طفلة اشتاقت لوالدها وبعد عناء عاد الى المنزل فأستقبلته بهذه الطريقة . دوماً عندما اسمع صوتها انسى ماذا اريد ان اقول واتمنى لو كنت بجانبها الان سيف : عيونة شروق : مشتاقققتتلللك كلللش سيف : وشنو الجديد ؟ شروق : شكد خبيث سيف بضحكة : والله واني حتخبل واشوفج بس شسوي شروق : اممم اكلك شي بس لتعصب سيف : كولي ! شروق : هم جتي ام موسى سيف : هسة لمنو تريدج ؟ شروق : لابنها سيف : السكرجي ؟ ابو البنات ؟ شروق : هو بجلدة وبلحمة سيف : بابا هاي من كل عقلها ؟ شروق : ايييي سيف : لا اله الا الله سدي شروق شروق : هسة اني شعليا سيف : تعرفيني اتنرفز من هلموضوع شروق : لعد تعال اخطبني وفضها ! سيف : بشنو اخطبخ ؟ هااا يلا كوليليي ؟ يسألني ابوج وين حتكعدها ومنين حتعيشها شكلة ؟ شجاوب يلاا؟ اكلة والله ااجرلها ركن بالاقسام الداخلية وشلون اعيشها ريكوها **ون وماي غداها تكضي شتشوف كدامها واغلب الاحيان تنام على معدة فارغة فلس احمر بجيبي ماكو ومصروفي اخذة من ابويا وما الحك اشتغل ت**ي لان راسي ما الحك احكة ؟ هاا هيج زيين ؟ شروق ببكاء : ليش دتصيح هسة شكتلك سيف : يا عيني كلامج ممعقول تحسسيني دا اضحك عليج اني بأيدي شي ومسويتة ؟ شروق : اممم سيف : لا حول الله خلص سكتي شروق : لتصيح مرة اللخ سيف : تدللين اكلج شي شروق ببكاء : كول سيف : احبج شروق بضحكة : واني ما احبك سيف : شهلجذب شروق : صدكني سيف : ايااباااا لعد دتضحكين عليا هااا شروق : ايييي سيف : والعظيم أحــبـج شروق : اني همين وكلش سيف : شدتسوين شروق : كاعدة وانت ؟ سيف : كاعد شروق : سيف دتدخن ؟ سيف : لاا شروق : بدون جذب سيف : وحدة بليوم شروق : ليشش؟ سيف : من الضوجة ويا صاحبي شروق : قصدك باكيت لو جكارة افندي سيف : باكيت اني وهو شروق : سيف حتموت روحك هيج سيف : شروق الحجي سهل بس هنا لعبان نفس شروق : ادري والله بس غير صحتك اهم سيف : الله كريم المهم شروق : ايييي سيف : مشتاقلج شروق : شوكت تجي ؟ سيف : خلي نخلص امتحانات واجي شروق : ياااايي تبقى هنا غير للسنة الجاية؟ سيف : اييي شروق : ياااايييي بيوم اللي ترجع كلي اسويلك دولمة سيف : اشمعنى ؟ شروق : سمعت من خالة انو تحبها سيف : وشلون احبها بلة ؟ شروق : مايعة وحامضة وتحب بيها ورق عنب وبصل وتحبها بدون لحم وبلكاعية باكلة وبتيتة وهاا تحب نحشيها بتيتة سيف : حافضتني اكثر مني شروق : لعد شعبالك عيني رجاءاً اللي ديقرا خلي يحط كومنت علمود اكمل انتو طلبتوا قصة جديدة وهياتني دا انزللكم وهي طويلة اذا تفاعلتوا حنزل بارتيين بليوم علمود احلصها بهلشهر !

Free reading for new users

Scan code to download app

App Store Google Play

Facebookexpand_more