#12

2357 Words

31st August , 2003, 4:00 PM ? شروق : يااايي قبولي جامعة بغداد عزززة ممصدكة ميس : الف مب**ك عمري يوم تتخرجين منها شروق : امييين امييين ويوم اشوفج ام ميس : لاا بعد وكت سكتيي عذراء : دكومي كصي كيك هسة يجي رجل اختج وسيف شروق : فرريييررررة غير حصير خريجة جامعة بغداد حتى باجة اسويلكم ميس : لج بعد كدامج 6 سنييين لا يوم ولا يومين شروق : عوفيني بواهسي ان شاء الله سيف هم يطلع قبولة ويايا علمود نروح ونجي سويا ميس : بس تروحون وتجون سويا يعني ؟ شروق : لعد شنو شتقصدين ؟ اكوم اكص كيك احسن ميس : ايي يمة ايي كصي شروق تمنيت كثيراً ان بكون سيف معي قصصت بعض قطع الكعك مع العصير وعدت الى الصالة فرن الجرس ركضت اليه انهم ابراهيم وسيف شروق : هااا بشر وين قبولك ؟ جامعة بغداد صح ؟ سيف : لاا شروق بحزن : لعددد ؟ سيف : بسها نينوى قبولي شروق : اهووو سيف : شبيج ؟ شروق : ردتك ويايا شحسوي بوحدي هسة ؟ سيف : هسة 6 سنين تنكضي شروق : شكد سهلة يمك سيف : يعني شسوي بأيدي هي ؟ شروق : هففف لعد اني همين افوت اقسام داخلية سيف : شروق كعدي راحة وداومي بجامعتج شروق : ما اريد شسوي بوحدي سيف : جامعة شكبرها شعرضها شنو شتسوين بوحدج؟ انصدمت لردة فعلها تركتني وركضت للاعلى اعلم يا شروق اعلم انكي تحبينني ولكن ماذا افعل أغلقت الباب ودخلت عذراء : وينها شروق لعد ؟ سيف : صعدت فوك ما ادري ميس : هسة اروح اشوفها عذراء : صيحيها خلي تجي وتجيب الميك والبارد ميس : ماشي شروق : عوفوني ما اريد احد ميس : حتى اني شروق : شتريدين ميس ؟ ميس : شبيها الحلوة دتبجي ؟ شروق : ما بيا ميس : شروق تحبي ؟ شروق : لاا ميس : جذابة شوفي شلون انقهرتي من عرفتي قبولة مو وياج شروق : لان ما اعرف احد ميس : هذا مو عذر شروق : بلي اني متعودة عليه هو يوديني ويجيبني ميس : جذابة تحبي شروق : لا ما احبة ميس : تضحكين علكل الا اني ومن زمان كايلتلج هاي سوالفج اعرفها شروق : ما احبة ليش تلحين بيا انتي ؟ ميس : لان ادري كلامي صح ولذلك دترفعين صوتج علمود اسكت بس محسكت وحظل اكلج تحبي لان هاي الحقيقة ولتنكرين وصارحي روحج شروق : اووييي الحجي وياج ميفيد اكوم اقدم الكيك احسن ميس : هربي هربي شروق مسحت دموعي ونزلت اخذت الكعك والعصير وذهبت اليهم فور رؤيتي له اخذت دموعي مجراها وضعتهم على الطاولة وخرجت الى الحديقة سيف : عن أذنكم ذهبت خلفها كانت تجلس على الإرجوحة وتحرك قدميها في الهواء سيف : كل هلضوجة والدموع لأن مطلع قبولي وياج؟ شروق : لااا بس مخنوكة شوية سيف : وليش مخنوكة ؟ شروق : تعبانة كلش سيف كلش سيف وضعت يدها على وجهها وبدأت تبكي وتشهق لا أستطيع ان اراها هكذا جلست بجانبها وعانقتها فأزدات شهقاتها سيف بحنية : شروق عيوني خلص متسوى شروق : مدا اكدر سيف : يمعودة لتبجين شبيج محسستني حروح اقاتل ؟ شروق : ما اريدك تروح سيف : خلص اهدي وخلي نحجي شو باوعيني نظرت اللي بعينيها البريئتيين مسحت دموعها وأبتسمت لها سيف : ما اريد اشوف هلعيون دتبجي بعد مفهوم ؟ شروق : لتروح وهلعيون متبجي سيف : ترى والله مرايح اقاتل ووعد مني كل متصير عطلة اجي حتى لو نص يوم وعد شروق : بس مو مثل متكون ويايا سيف : حكون وياج ودائماً حخابرج شروق : شحدك تصادق هناك سيف : يعني شلون اكضيها بوحدي ؟ شروق : قصدي صادق ولد مو بنات سيف : تدللين عمي حكتب على كصتي ممنوع اقتراب البنات اصادق بس شباب شروق : اهووو لتقلد سيف بضحكة : دضحكي اشوف شروق : ماشي ماشي هو اني اكدر اشوفك وما اضحك ؟ سيف : مهرج كدامج شروق : تروحلة فدوة سيف : دمشي نفوت عيب شروق : ماشيي هاا صدددككك بربك اول يوم انت وصلني سيف : تدللين عمي شروق : يااااييي يلااا نفووت September, 7:30 AM شروق : صباااح الخييرررر سيف : ياا هلااا صباح النور شروق : يااايي نشاااط مو طبيعييي سيف : حاطةة مكياج بعد شروق : هي شوية ماسكارا وكحل وحمرة شحاطة يعني ؟ سيف : هسة اني حجيت شي شروق : لكك متحمسة حيل يعني ما اعرف شلون اوصف شعوري شي حلو وغريب سيف : دا اشوفج مبقيتي اصبع مطكيتي شروق : ايي شسووي متوترة وخايفة سيف : وعليش الخوف محسستني يوم زواجج شروق : لككك خلص خلص صوج اللي تحجيلك سيف بضحكة : عود خجلت ديلا عيني سكتناا جامعةة بغداد " كليةة الطب " ? شرووق : كلية الاحلام سيف ببرود : شكلها طبيعي شروق : انت واحد بدون احساس سيف : عادي يعني شروق : التعبان علمود يحصلها ميكول هيج سيف : مو اني كاعد رجل على رجل وجتيني الـ97 شروق : هسة ديلا عيني هي 97 سيف : اييي مو تجي بلهين وبعدين لو سهلة جان قبلوني جامعة بغداد شروق : لا اله الا الله حنبديها بعركة بعد مكلنا بسم الله سيف : خلص سكتنا فوتي شروق ? شكل الجامعة شيء جميل الممرات والحديقة والكافتيريا والاقسام كل شيء بها جميل لا اعلم اذا كنت انا فقط اشعر بهذا الشعور ولكن عندما تدخل لهذه الجامعة سوف تشعر ب*عور غريب اكثر ما جذبني هو إطار الجامعة شروق : سيف سيف : كولي شروق : ليش الاطار ممكتمل ؟ اشمعنى هيج شكلة ؟ سيف : والتر كروبيس عجبة يسوي هيج شروق : منو هذا ؟ سيف : هو اللي **م هلشكل شروق : واشمعنى بقاهم مفتوحين شنو الطابوك خلص سيف : عود دتتضارفيين؟ شروق : كول متعرف و فضها سيف : بنا هشكل لسببين : الاول : دليل على التقنية العالية والعمرانية انو القوس ممتكامل من فوك وهو شيء صعب الواحد يحصل عليه الثاني : وهو معنى علمي وهو دليل على ان المعرفة والعلم دائما مفتوحيين وما الهم نهاية شروق : ياااييي حبيييت سيف : اني هم من قريت عليها عجبتني السالفة شروق : اممم سيف : يلا انتي كملي واني اروح شروق بحزن : يعني هاي هي بعد ما اشوفك ؟ سيف : لتبجين ولتنقهرين كل متصير عطلة اجيكم وعطلة الصيف اكضيها يمكم عمي شتريدين بعد ؟ شروق : اممم دير بالك على روحك ومثل مكتلك بنات ماكو سيف : تدللين شروق : متشرب سيف : من عيني شروق : تخابرني يومية سيف : هم تدللين بس التلفون يكون يمج؟ شروق : حدخلة بغرفتي من الـ9 سيف : ماشيي شروق : اممم اذا تذكرت شي بعد عود اكلك سيف : هو شبقيتي انتي شروق : معاجبك افندي ؟ سيف : لااا يابوو هسة شكلت اني شروق : ايي عفية عبالي سيف : يلا باي شروق بحزن : باااي شروق ? ذهب واخذ روحي معه شعرت بنفسي تائهة ولا اعلم شيء شعرت انني وحيدة ولا املك سند اريد الذهاب معه لا استطيع تقبل فكرة عدم رؤيتي لسيف طوال هذه الفترة متى سأراه مجدداً ؟ سأشتاق لرائحته كثيراً بقيت انظر إليه وهو يذهب صعد الى سيارته نظر اللي نظرة اخيرة وذهب لم أستطيع حبس دموعي اكثر سيف ? لم أستطيع النظر اليها سرت في طريقي قلبي يخبرني أن استدير اليها واعانقها كم وددت ان اخذها معي ولكن لا استطيع صعدت الى السيارة ونظرت إليها عيناها تضعفني كثيراً نظرتها الم**ورة ت**رني انا ايضاً كفى يا شروق هيا اذهبي مسحت دموعها وذهب كل منا بطريقه 31st December, 2003 ,,, 11:00 PM ? شروق ? كان الجميع متواجد علي وابراهيم يشوون في الحديقة ميس ومروة يكملون بقية الطعام في المطبخ والدتي و والدة سيف كلعادة يتحدثون عن السنين التي مضت والدي ووالد سيف لا يملكون شيء غير الطاولي اما انا فكنت اجلس في غرفتي انظر اليهم من الاعلى ولكن عقلي مع سيف انها اول سنة نستقبلها بدونه يا ترى ماذا يفعل ؟ هل لديه اصدقاء يقضي هذه الليلة معهم ؟ هل يفكر بي مثلما أفكر به ؟ ام انه نساني ؟! الجميع كان يحاول ان يكون سعيداً ولكن جميعنا لم نكن كذلك كل واحدٍ منا كان يوجد بقلبه غصةة لا يعلم بها احد ، قاطع شرودي صوت الهاتف انه بجانب سريري لم اغغير مكانه فبكل ثانية اعتقد ان سيف سيتصل ركضت اليه شروق : الو سيف : يا هلا بهلصوت هسة يلا ارتاحيت شروق ببكاء : سيييففف سيف : عيونة شروق : مشتاقتتتلللك هاي وينك صارلك اسبوع ؟ سيف : جنت مشغول كلش راسي ما اكدر احكة شروق : واهون عليك هلكد متخليني اسمع صوتك ؟ سيف : اسف حقج عليا شروق : شلونك شخبارك سيف : بخيير وانتي شلونج شدتسوين والبقية شديسوون؟ شروق : ابراهيم وعلي ديشوون ماما وخالة ديسولفون بابا وعمو ديلعبون ومراوي وميوسة د*كملون بقية الاكل واني بغرفتي دا اتف*ج عليهم سيف : شعجب مكاعدة وياهم ؟ شروق : ما اريد سيف : كولي جنتي تنتظريني اخابر وتخافين تنزلين لا اخابر ومتسمعيه ؟ شروق : لااا وين اكو هيج شي سيف : اممم شروق : حتكضي هلسنة بوحدك سيف : منو كلج ؟ شروق : ماكو احد يمك يعني من عدنا سيف : منو كلج ؟ اصلا حكضيها ويا اكثر ناس احبهم واموت عليهم خصوصا واحد منهم ما اكدر افوت لسنة جديدة بدونة شروق : شبلعجل تعرف على ناس وهيج حبيتهم سيف : انتي شلون دخلتي طبية ما ادري شروق : لا جاوبني من وين تعرفهم ؟ سيف : اكلج ديصيحوني روحي نزلي يم البقية وبعدين اخابرج نزلي لتظلين وحدج يلا باااي شروق : سيف لككك سييف ماشي تسدة بوجهي شوف بعد يا ثولة تخابرك واني من كل عقلي عايفتهم وصاعدة انتظرة يخابر حتى معرف يكلي سنة سعيدة ماشي سيف ماشي مسحت دموعي غيرت ثيابي وضعت بعض المكياج ونزلت ونزلت إليهم ابراهيم : عوفي الكباب شروق : معليك ابراهيم : حتبقين رايحة جاية عليه محد ميلحك ياكل شروق : بكيفييي ابراهيم : اسويلج لفة زين؟ شروق : لااا احبة هيج ، شبيك علي توزع ابتسامات ؟ علي بضحكة : لا هييج شروق : شبي اخوك؟ ابراهيم بضحكة : هسة تعرفين شبيي شروق : ميس وخري مو وكت شقااج لحظة هذه ليست يد ميس ثانية انها يد خشنة و وهذه الرائحة ليست رائحة ميس ا انها رائحة س سيفف سيف : هيج ايد ميس خشنة ؟ اول مرة ادري ميس رجال شروق بفرحة ودموع : سيييييففففف لم اشعر بنفسي سوى انني قفزت وعانقته سيف بضحكة : على كيفج على كيفج شروق : ل للككك مستحييييلل شجااابببكك سيف : يعني معقولة افوت لسنة جديدة بدون ماا اشوفج ؟ حتى الله ميرضاها شروق بضحكة : ياااايييي شكراا شكرااا سيف : على شنو ؟ شروق : انووو اجييييتتت ومخليتني افوتها بوحدييي سيف بضحكة : شخبار بورصة الكباب ؟ شروق : هاااه ؟ سيف : سمعت مينطوج كباب شروق : اييي شفت ابراهيم مينطيني سيف : ليش متنطيها؟ ابراهيم : يمعود تخلصة ومن نجي ناكل تكول ممسوين كباب هواية سيف : دنطيها لخاطري هلمرة ابراهيم : هاج عمي علي : وهاي شيشيين تكة لخاطر سيف شروق : شكراااا اخذت الطبق وجلست على الارجوحة وسيف بجانبي شروق : شوكت جيت ومنين جنت تحاجيني ؟ سيف : اجيت الظهرية بس كلت لاهلي ليحجون شي وجنت اخابرج من بيتنا ومن كلتلج نزلي وسديت التلفون طلعت وجيتكم شروق : احلى شي سوووييتتتة سيف : شخبارج بلكلية؟ شروق : ماشييية بديت اتعود وانت ؟ سيف : زيين الحمد الله شروق : الاقسام شلونها؟ سيف : يعني صحيح متعبة بس ونسة نكضي يومنا شروق : اممم سيف : هااج شروق : هاي شنو ؟ سيف : هديتج مو متعود كل سنة اجيبلج هدية بس ما اكدر انطيج ياها كدامهم فضميها شروق : هاك الزم اعطيته الطبق وفتحت العلبة انه سلسال فضة على شكل راقصة باليه طالما تمنيت ان اتعلم الباليه وهو الوحيد الذي يعلم بحبي لهذه الرقصة شروق بأبتسامة : لككك يجنننن سيف : عجبج ؟ شروق : كلش كلش يعني شكراا شكراا سيف : بلعافية عيوني شروق : بس يبدي الدوام حكول انو اشتريتها علمود اظل لابستها وما انزعها ابد سيف : تمام ابراهيم : سييفف تعال شوية ويانا سيف : يلا جايك ، باعي بس تصير ابوج يكول طفوا الكهرباء انتي كولي حتفوتين تنزلين الدكمة وبس تفوتين صيحيني كولي مدا تنوشين اريد اكلج شي ماشي ؟ شروق : كول هسة! سيف : لااا خليها بعدين شروق : حتبقى حسرة سيف : سوي اللي كتلج عليه باي شروق ? ابقاني في حيرتي ماذا يريد ولماذا اختار هذه الساعة بلتحديد ؟ اصبحت الـساعة حادية عشر و خمسون دقيقة باسم : اني حروح يم الدكمة بس تصير 12 اطفي الكهرباء شروق : خليك انت هنا بابا اني رايحة باسم : متنوشيين شروق : بلي انوش اريد اتمنى امنية واني اطفيها واشغلها باسم : ديلا روحي سيف? نظرت اللي ودخلت فسمعنا صوتها شروق : ارييد واحددد من الولد ما انوووش باسم : شكد عنودية هلبنية ميس : لا مو عنودية عرفت شسوت سيف بضحكة : يلا اني رايحلها بقيكم انتو عايدوا ويا نسوانكم شروق : هااا يلا كولل شتريد ؟ سيف : اصبري شروق : شتنتظررر ؟؟ سيف : بس صبري صبري شروق : هففففف حطلللعع سيف : اصبري بقت جم ثانية وتصير 12 شروق : طالعة ماااا اثناء خروجي اطفأ الكهرباء وسحبني اليه سيف : أحبج شروق بصدمة : هاااااه سيف : على اساس انتي متحبيني شروق : بب بس سيف : تمني امنية شروق : ببس سيف : يلاا هاي ثالث مرة حرفع الدكمة شروق ? اغلقت عيني وتمنيت اتت الكهرباء فتحت عيني ونظرت الى سيف اقترب مني وقبلني من رأسي لا أعلم ماذا أفعل بقيت أنظر اليه خجلت كثيراً ابعدت يده وركضت للخارج ولكن لا استطيع ان استقبل السنة الجديدة دون ان اقع باسم : كل عام وانتي بخير عايدينا شروق : يا نظر عينييي كل عام وانت بالف الف خير الله يخليك فوك راسنا وميحرمنا منك وانتي مام ان شاء الله سنة خير تكون عليج وعلكل وكل عام وانتو كلكم بالف خير ميس : شبيج متوترة شروق : هيييج ام علي : بنتي وينة سيف ؟ شروق : ا اا ه ه سيف : هياتنيي يوم عايدتهم كل واحد بمفرده فوصلت الى شروق اقتربت منها ومددت يدي نظرت اللي ومدت يدها فمسكتها بقوة سيف بضحكة : لازم توكعين يعني متعرفين تركضين عدل ؟ علعموم كل عام وانتي بالف خير ملحكت اعايدج جوا شروق بتوتر : من وراك وانت بالف خير شروق ? لا أستطيع ان انظر بعين احد لا استطيع ان ارفع رأسي عن الارض جسدي يحترق الجميع يرتجف من البرد الا انا اريد الهواء لا استطيع اكثر من هذا لقد احترقت بلفعل انني اشعر بنظراته تحرقني اريده ان يبعد عينيه لا استطيع التنفس بشكل منتظم ماذا فعلت بي يا سيف يا الهي نعم لا استطيع الانكار فسعادتي لا توصف ولكن جسدي المحترق ايضاً لا أستطيع وصفه استجمعت قوتي ورفعت رأسي فأتت عيني بعينه ابتسم لي وغمز يا الهي لم اعد استطيع اكثر من هذا فأنا احبه بحق سيف ? كانت تنظر اللي بصدمة وفرح أعلم جيداً أنها تحبني ارادت ان تسحب يدها ولكن قبضتي كانت قوية لولا اهلنا لما كنت سأتركها ولكن الوضع لا يسمح تركت يدها فجلست بجانب والدتها وكلعادة عندما تتوتر تفرق اصابعها وتحرك قدميها بسرعة بالاضافة الى عض شفتيها كنت أنظر اليها وابتسم انهينا طعامنا فنهضنا لنعود الى منزلنا نظرت الى شروق التي لم تستطيع الخروج من صدمة القبلة والغمزة فأبتسمت لها تركتنا ودخلت الى الداخل هذه الطفلة ماذا فعلت بي

Free reading for new users

Scan code to download app

App Store Google Play

Facebookexpand_more