قدر

#9

4/1/2003 .. 7:00 AM ?

شروق : صباح الخير

عذراء : صباح النور تعاي اكلي

شروق : لا مجوعانة بابا وين ؟

عذراء : بمكتبة

شروق : ماشييي انطيني بووسة

قبلت والدتي وذهبت الى والدي

شروق : صباح الخيير يحلوو

باسم : هلاا حبيبتي هاي بعدج هنا

شروق : ايي بعدة سيف مجاي

باسم : كوليي شتريدين

شروق : ردت اطلب منك طلب

باسم : عيوني

شروق : تدري بوضع سيف خطية وعلمود ابو ترك المدرسة حوالي 4 سنين وبقى يشتغل لحد مسدد دينهم وهسة قدم خارجي نجح بنص السنة بس درجاتة مو كلش وميكدر يسجل خارجي شنو رأيك مادام اني دا اخذ دروس خصوصية يومية من نرجع نكعد اني وهو ندرس سوية وهمين هو ساعدني هواية وما فد يوم كاللنا لااا شنو رأيك ؟

باسم : هو يدري بهلحجي ؟

شروق : لااا ميدري كلت اكلك الك بالاول وبعدين

باسم : بس بصفتة شنو يومية يجينا

شروق : اول شي اخو يصير خطيب اختي ثاني شي احنا نعرفة من احنا جهال فمثل اخونا يعتبر ثالث شي احنا ممسوين شي غلط واي واحد يحجي كلمة بالنازل نعرف شلون نجاوبة

باسم : هو ل**نج بوحدة منو يكدرلة

شروق : لان ممسوين شي غلط علمود نسكت عن حقنا

باسم : ماشي كوليلة خلي يجي

شروق : ياااييي صدددككك

باسم : انتي واعية والولد واعي واني خليتكم تصيرون صديقاتي ومتضمون عليا شي وانتي واختج ممسوين شي غلط الولد شريف ومؤدب ومتطلع منا حجاية ومثل مكلتي اللي يحجي شي نفوت بعينة لانو ممسوين شي غلط واني واثق ببنتي وبتربيتي شنو هي وواثق ما فد يوم بنتي حتخلي احد يحجي عليا او عليها او يكول باسم معرف يربي

شروق بفرحة : اكيييد اكييييد شحدة اليحجي دومك حيظل راسك مرفوع بينااا والله

ركضت اليه وعانقتته

ميس : وانييي ما عندي حظن

باسم : تعااييي

عذراء : يبنات يلا سيف وصل

شروق : يلااا ميس لنتأخر

ميس : بااايي يحلوو

باسم : باي يعيوني

ميس : صبااح الخييير

سيف : اليوم مفتوحة بوجهنا شروق دتضحك

شروق : اصلا يومية اضحك انيي

سيف : ديلا عيني يلاا

ابراهيم : شهلعذاب هذا خطيبتي تصعد ويا اخويا ومتصعد ويايا

شروق باستهزاء : ياباااا شكد يضحكني شكلك

ابراهيم : وليش بلة ؟

شروق : متكدر تطلع وياها الا واني وياااكم الله شييي حلووو

ابراهيم : خلي نشوف من تنخطبيين شلون

شروق : بعدني صغيرة من اكبر يتغير كلشي

ابراهيم : هسة لو جتي ميس ويايا منو حيدري ؟

شروق : والله اني اكلة لبابا متطلعون لمكان بدوني يلاا اشوف حنتأخرر

ميس بضحكة : بااي

ابراهيم : خوب ميس متحجي بس هلو وباي

ميس : شكول لعد

ابراهيم : ترى خطيبج اني

ميس : ادري بس شكول

ابراهيم : اني حكلج

اقتربت منها وهمست : أحــبـج

ميس بتلعثم : يلا سيف امشي

شروق : حوراء متداوم اليوم

سيف : ليش ؟

شروق : تكول مريضة

سيف : ماشيي

شروق : حتى البنات عدهم دروس الصبح محيكدرون فلتروح علبهم

سيف : خوش لعد

ميس : سيف بلا زحمة اذا تكدر تسأل اصدقائك اذا يعرفون فد محل زين يصير صيدلية او كاع مرتبة ونظيفة ومكانها ينفع كصيدلية كلي

سيف : تدللين

ميس : شكرا دنتعبك ويانا

سيف : لا يمعودة حتصيرين مرة الغالي انتي

ميس بخجل : تسلم

سيف : اييه ست شروق

شروق : شكوو

سيف : ضابج بس مكدرت احجي كدام ميس

شروق : ليشش

سيف : اشتاقيت لحوراء شوفي مكانها مبين

شروق : والله

سيف : اييي ضحكتها وصوتها بأذني هلبنية ماكو منها

شروق : بيتهم وتعرفة تكدر تروح تشوفها

سيف : لا عيب من اهلها

شروق : مْـن ارجع اخابرها واكوللها سيف مشتاقلج

سيف : وشبيج انتي غرتي ؟

شروق : مغرت اصلا كلشي ما بيا

سيف : لااا يابااا اني اللي غرت

شروق : لاا بس تعرفني اضوج منها

سيف : ايي لان تغارين منها من هيج تضووجين منها

شروق : اهووو وليش دا اغار

سيف : لان حوراء تحاول تتقربلي دائما وحتى اذا تكون ساكتة بس اني احجي هي كبل تحجي

شروق : واني شعليا انت وحوراء

سيف : مو اشوف نظراتج الهاا

شروق : عادي يعني

سيف : واضضضححح

شروق : طفي للمسجلل دوخنيي

سيف بضحكة : لج بابا لتضوجين بس يعجبني انرفزج

شروق : متنرفزت واني شكو المن تشتاق اشتاق اني شعليا

سيف : لا ما اكدر على زعلج

شروق : وليش دا ازعل

سيف : دشوفي روحج

شروق : ايي طنكرت يلااا

سيف بأبتسامة : ماشي اني اعرف شلون اصالحج

شروق : محتكدررر بااااي

سيف : حرامات وصلنا

1:00 PM ?

ميس ?

كنت ارتب الأدوية فسمعت صوت شخص أنه صوت ابراهيم نظرت الى الباب اذ بأبراهيم يمسك بيد امرأة كبيرة ويدخل

ميس : هاي شدتسوي هنا ؟

ابراهيم : خطية جتيني هلمرية للمختبر تريد تروح للصيدلية ومتندل ومحد ديجيبها فكلت خلي اني اوديها خطية

ميس : الله الله الروح الانسانية كلش عالية يمك

ابراهيم : خطية متعرف كلشي

ميس : مساء الخير خالة

⁃ هلا ببنييتي

ميس : وين الراجيتة خالة ؟

⁃ يم هذا الطبيب بنتي

ميس : انطيني الراجيتة

ابراهيم : تعاي اخذيها بجيبي

ميس : ايي طلعهاا

ابراهيم : مو لازم المرة لتوكع

ميس : لا بربك

ابراهيم : اييي تعااي

ميس : امري لالله

ذهبت اليه ادخلت يدي بجيب الص*رية لكني لم ارى شيء

ميس : ماكو وينها

ابراهيم : لا بلجييب اللاخ

ميس : اهوو ابراهيم عيب

ابراهيم : هسة وين العيب قابل حاضنتني

ميس : اللي يشوف حيكول حاضنتك

ابراهيم : خطيبتي يلا المرية تريد ترجع لبيتها

ميس : هففف

مددت يدي لاخذ الورقة فهمس لي

ابراهيم : أحــبــــج وانتي خجلانة

ميس

لم انظر الى عينه اخذتها بسرعة واعطيت الدواء الى السيدة

ميس : هذا كلة

ابراهيم : تفضلي خالة وديري بالج

ميس : وديها

ابراهيم : لا هي تروح بوحدها

ميس : مو قبل شوية جنت متكدر تعوفها لتوكع

ابراهيم : مو من تكون واكفة تختلف عن من تمشي

ميس : لا والله

ابراهيم : اييي صدكينيي

ميس : يعني عايف المختبر والتحاليل وجاي هنا شنو؟

ابراهيم : كضيت عمري ويا العينات والمصل وسحب الدم ميصير شوية اكضيها وياج ؟

ميس : وشغلك ؟

ابراهيم : هي 5 دقايق محتأثر

ميس : اممم بس اني عندي شغل

ابراهيم : خوش طردة

ميس : لاا والله بس الصيدلية مو اللي واذا اجى صاحبها ويشوفني واكفة اسولف شووف شيسوي بيا

ابراهيم : بس يجي اروح

ميس : براسيتول جم شريط تريد ؟

ابراهيم : يا براسيتول

ميس : براسيتول مال وجع راس

حاولت ان اشير اليه ان صاحب الصيدلية قد اتى ولكن يا الهي لا يفهممم

ابراهيم : هاي شبيج ميس

ميس : مرحباا دكتور

ياسر : شيريد الاخ ؟

ميس : يريد براسيتول

ياسر : انطي

ميس : ايي بس دا اشوف جم شريط يريد

ابراهيم : شريطين

ميس : تفضل

ابراهيم : شــكـ.ـــرآ

ميس : تدلل

ياسر : شكلة معاجبني

ميس : لا بلع**

ياسر : حسيتة ديضوجج

ميس : لا هو خطيبي

ياسر : كولي هيج من الاول احسن مْـٍـً↻ـًـِْـنٓ جذبة البراسيتول

ميس بخجل : اسفة

ياسر : على شنو بنتي ؟

ميس : انو مكلت الصدك بس استحيت

ياسر : كلتنا مرينا بهيج ايام وجنا نجذب على اساتذتنا لان نستحي

ميس بأبتسامة : ليش مرتك صيدلانية همين؟

ياسر : مو مرتي وحدة دكتورة بوكتها جانت متدربة بعدها واني جنت اشتغل هنا بهلصيدلية يم الدكتور محمد فجانوا يجون وياهم راجيتات اسوي روحي ما اعرف اقراها واصعد للمستشفى اكوللهم اريد هلمتدربة بحجة اسألها شمكتوب بس علمود اشوفهاا

ميس بأبتسامة : شكد حلوو

ياسر : كومة جذبات مجذبيين علمود نتشاوف

ميس : لعد لـــيش متزوجتوا؟

ياسر : منجمعنا هي اهلها جبروها تاخذ ابن عمها واني متزوجت

ميس : بسس ليشش

ياسر : اهلها متشددين ومقبلوا ينطوها لاحد غريب

ميس : متعرف اخبارها ؟

ياسر : يومية اشوفها بس ما اكدر اباوعلها

ميس : بس حرام هيج

ياسر : الحمد الله على كل حال

سيف : وين تاخرتي؟

شروق : جنت احجي ويا المدرسة

سيف : ماشيي

شروق : شنو هلريحة؟

سيف : هااج

شروق : شنو هذا ؟

سيف : فتحي وشوفي

شروق : يااايي لبلبييي وسميط

سيف : شفتي شلوون ارضيج اني

شروق بأبتسامة : شكرااااا كللش

سيف : بلعافية

شروق : عندي اللك شيي

سيف : وهوو ؟

شروق : بعد يومية تجي تدرس ويايا علمود تطلع معدل عالي ونفوت للكلية سويا

سيف : لا ياباا شهلحجي

شروق : شكووو؟؟؟

سيف : شلون اجيكم

شروق : ترى عادي كلت لبابا وهو قبل

سيف : لج عيب بنتي اثكل عليكم

شروق : لا متثكل علينااا بعد يومية بس اخلص محاظرات تجي يمنا وندرس سويا وشوف استاذ حكمت يدرسني فيزياء بلبيت فأنت شحتسوي

سيف : شسوي ؟

شروق : حتكعد يمنا علميز على اساس انت طالب ادبي بس حتسمع شرحة وحتكتب كلشي علمود تفهم بزيادة وبهلحالة ميحتاج تنطي فلو

سيف : لج ميصير

شروق : يعنيي لييش ميصير هو اذا جان ديشرح لواحد او اثنين نفس الشي معليك انت على ضمانتي

سيف : لج عندج عقل انتي

شروق : ايي بكامل قواي العقلية

سيف : دنزلي هسةً تخلصين ونحجي

شروق : ماكو نحجي تحظر روحك تنزل يمنا يلا بااي

سيف : ملااززممممج

شروق : نسيتهااا

سيف : هااج

شروق

عندما اردت اخذها ماسكت يدي اصابعه فنظرت اليه

سيف بمكر : مبين عجبتج السالفة

شروق : اني لو انت ؟

سيف : هو منو لزم ايـــد منو

شروق : واكو واحد هيج يلزم الملازم ؟

سيف : ديلا روحي

شروق : باااايييي

5:30 PM

سيف ?

وصلت الى بيت مدرسها رأيتها تخرج وهي تضحك عندما اراها تضحك أشعر أن عصافير السلام ترفرف في قلبي

شروق : سلاااااممم

سيف : هلاا

شروق : عليش دتبتسم بلة ؟

سيف : هيج تذكرت شغلة

شروق : وهييي ؟

سيف : شغلة

شروق : بنيية ؟

سيف : ايييه

شروق : حلوة

سيف : مو شلون مجان

شروق : امممم قصيرة ؟

سيف : يم الطوال قصيرة ويم القصار طويلة

شروق : اهووو

سيف : هسة لـــــيش تضوجين ؟

شروق : لا مضجت

سيف : وسط طولها عمي

شروق : يعني شكد ؟

سيف : توصل لص*ري

شروق : يعني واكفة يمك؟

سيف : اووو كووومة ويومية همين

شروق : اممم

**تنا لوهلة فوجئت بالاغنية التي بدأت هي ذاتها التي رقصنا عليها بخطوبة ميس وابراهيم نظرت الى سيف وأبتسمت نظر هو اللي فأدرت وجهي بسرعة قلبي سيخرج لماذا ينظر هكذا

شروق : يلا انزل

سيف : وين

شروق : اني شكتلك ؟ يلااا

سيف : لا عوفيهااا

شروق : عليك الله

سيف : لا شروق

شروق : زين وبداعتتيييي

سيف بقلة حيلة : امشي عميي وين اكدرلج

شروق : هلووو

سيف : السلام عليكم

عذراء : هلا بولدي تفضلوا

سيف : اسف جيتكم بدون موعد

عذراء : لا حبيبيي البيت بيتك شروق كالتلنا الصبح

شروق : مام حنكعد بلطارمة شعدنا اكل ؟

عذراء : مسويا كبة فوتي صبيلكم واكلوا وبعدين ادرسوا

شروق : يلااا ماشييي

عذراء : شناوي تفوت كلية سيف ؟

سيف : اذا طلعت معدل افوت طب عام اكيد واذا مطلعت احاول اقرا رياضيات وبعدين اكمل ماجستير ودكتوراه

عذراء : ان شاء الله تطلع معدل عالي وتفوت اللي يعجبة كلبك

سيف : تسلمين وتفرحون بتخرج شروق

شروق : يلاااا اجيييت

سيف : اني مجوعان اكلي انتي

شروق : لالاالا حظرت ميز بلحديقة الخلفية

سيف : تسلمون والله

شروق : ترى ما اكل والله

عذراء : كوم اكل ابني مو غريب انت

سيف ?

نهضت معها جلسنا نأكل استغربت على طريقة اكلها

سيف : هاي شدتسوين؟

شروق : شنوو ؟

سيف : شلون تاكلين الكبة ؟

شروق : اييي اطلع اللحم مْـٍـً↻ـًـِْـنٓ العجين واكل بس العجين

سيف : ليش عود ؟

شروق : احب العجين اكثر لحظة لحظة

سيف : شكوو

مدت يدها الى طبقي واخذت واحدة ماذا تفعل ؟

شروق : مو المدورة يمك واني احب المدورات

سيف : ترى كلها نفس الطعم ؟

شروق : بس المدعبلة اطيب

سيف بضحكة : شوكت تكبرين عاد ؟

شروق : ما اكبر مو عيب اكبر

8:15 PM

سيف : يكفي اليوم

شروق بحزن : لاااا

سيف : شلقصة شروق تحب هلكد تقرا ؟

شروق : مو دا اتسلى وياك والقراية احلى تصير

سيف : شوفي الساعة عيب باجر نكمل

شروق : ماشيي بس دتفهم عليا؟

سيف : ايي

شروق : خووش لعد

سيف : يلاا اشوفج باجر

عذراء : وين رايح ابني ؟

سيف : راجع خالة تاخر الوقت باجر اشوفكم ان شاء الله

عذراء : حبيبيي الله وياك

شروق : هلااا هلااا راجعة ويا ابراهيم

ميس : هششش سكتييي

شروق : والله لا اكول لبابا

ميس : شروق سكتيي

ابراهيم : شروق حتخليني افوت للسجن على اخر عمري

شروق : ايييه بابا ميقبل

ابراهيم : هسة ديلا هو رجعتها من الشغل شسوينا يعني

ميس : باجر نريد نسوي مفاجأة لماما مال عيد ميلادها وصدفة طلع عيد ميلاد خالة وياها

شروق : ياااا نسسيييت انييي

ميس : اييي باجر الصبح نروح نجيب كيكة اني وابراهيم وبعدين ناخذهم ونروح لجزيرة بغداد

شروق : رجلي على رجلكم

ابراهيم : لا اله الا الله

شروق : بكيفييييي

سيف بضحكة : عمي اني اجي وياكم

ابراهيم : لا بعد جيبوا العشيرة كلها

سيف : عوفني اجي

ابراهيم : ميكفيني شروق

سيف : مو مال واحد يساعدك والله

ابراهيم : شتسوي يعني ؟

سيف : انت شعليك اجي وانت الربحان

ابراهيم : امري لالله

شروق : يلاا ميوووسس نشوفكم باجرر عينيي واذا ما اخذتوني اكوللهم علمفاجئة والله

ابراهيم : شبر ونص وتهددنا

شروق : 163 اصلا طويلة انتو الهراقل

ابراهيم : دشوفي ميوسة 175 وتجنن نزاكة وجمال وانوثة

شروق : هسة اني طولي عاجبني والله حلوة هاااي ويكفي بيااضيي ولون عيوني

ابراهيم : اصلا غمازة ميوسة وسمارها يسوى الدنيا

شروق : شكول يعني القردة بعين حبيبهاا غزال

ابراهيم : احترميها شوية

شروق : اختي وبكيفي

ابراهيم : خطيبتي

شروق : بس اختي قبل متعرفها انت

ميس : هاي شبيكم يمعودين حتاكلون واحد الثاني

ابراهيم : اختج

شروق : خطيبج

ميس : سيف اخذ اخوك وفوتوا لبيتكم وانتي امشي ل**نج طولان

شروق : اكو احلى من ا****ن باااييي سيييف وانت ما اللك باي

ابراهيم : اللي يسمعج يكول ميت علباي منج تكفيني باي ميوسة

شروق : خلي تفيدك ميووسةة

5/1/2003 ? 11:30 AM

ميس : ها مام تحتاجين شي؟

عذراء : لا حبيبتي سلامتج

ميس : يلا لعد رايحين احنا بس نرجع علمود نطلع بطريقنا كبل

عذراء : بس كوليلي وين ؟

ميس : مْـٍـً↻ـًـِْـنٓ نوصل حتعرفين يلاا شروووق

شروق : اخذ الحلوة ونام براحة .. شفةة كريزة وخد تفاحة

ميس : ماام وينها بنتج

عذراء : بعدها فوك

ميس : شروووووقققق

شروق : ام الكلب المخلص هي .. وحدها وتلعب بلساحة

ميس : لجج شرووق يلة الولد دينتظررر

شروق : الحلو يغازلني كاعد .. الله يعين والله يساعد

ميس : يكفي يكفي خربتي كل الاغنية بصوتج امشي عاد

شروق : متخلون الواحد يتمتع بمواهبة دتشوفيني دا اسد القميص

ميس : والركصة اللي اخترعتيها ؟ ضمن سد القميص ؟

شروق : بكيفي اني ما اعرف اركن بكيفي

ميس : ديلا شروق يكفيي عااد

شروق : خمسة وخميسة يا حاسد .. ابعد خلي نعيش براحة

ميس : اهوووو والله رايحة انييي

⁃ اني رايحة ماام

عذراء : وين اختج ؟

ميس : فوووك دتغنيي حطلع يم الولد اني من تخلص طربها خلي تشررف

عذراء : عفية شروق وسوالفها

ميس : يلا باي حبيبتيي

ميس : صباح الخير

ابراهيم : يا هلا بهلصباح

سيف : وينها اختج

ميس : كالبتلي كاظم الساهر فوك

سيف بضحكة : ياابااا من تغنيي

ميس : تلزك ذ*حتني تسوي علعناد

ابراهيم : يلا خفة وراحة

ميس : ننتظرها لازم

ابراهيم : 12 الا ربع

ميس : شسويلهااا

سيف بأبتسامة : هسة تجيي انتظروا شوية

خرجت من المنزل وهي تغني صعدت وكانت تقول

شروق : خمسة وخميسة يا حاسد .. ابعد خلي نعيش براحة

مقصود هلمقطع

سيف : هلو عالاقل

شروق : كل الهلا اللك

ابراهيم : شكو اجيتي ؟

شروق : بكيفييييي

سيف : تحرك يمعود شنو تبسمرنا هناا

ابراهيم : امري لالله

شروق : حتى ذوق بالاغاني ما عندك حط اغنية حلوة

ابراهيم : سيارتي وبكيفيي

شروق : اوووف

وصلنا الى محل الحلويات اردت النزول فرايت سيف يمسك الباب من الخارج

شروق : شكوو

سيف : متنزلين اذا متوعديني بشي

شروق : شنوو ؟

سيف : عوفيهم يمشون بوحدهم

شروق : عايفتهم

سيف : يعني ناس هستوهم مخطوبيين تركيهم يا عيني

شروق : هففف خليني انزل

سيف : تبقين ويايا بس

شروق : ماشي ماشيي

سيف : ماشي شنو؟

شروق : ما اندك بيهم وبداعة عيونك

سيف : يلا نزلي

شروق : سييف شوووف_

سيف : شنوو ؟

شروق : هاااي مبين شكلها طيب

سيف : مو كلش

شروق : هففف

سيف : همة اصلا ديختارون الكيكة انتي بس تف*جي

شروق : بس هاي القطعة حبيتها

سيف : حنشتري كيكة جبيرة هسة غير مرة نشتري قطع

شروق : بس

سيف : يلاا امشيي

شروق : اريدها

سيف : بدون سوالف الصغار امشي شروق

شروق بحزن : ماشيي

سيف : اختاريتوا ؟

ميس : شوفوا محتاريين بين هذول الثنتيين ياهو تكولون احلى ؟ شروق شتكولين؟

شروق بحزن : ما ادري انتو اختاروا

ميس : شبيج

شروق : ما بيا شي اكلكم انطوني المفتاح اكعد بلسيارة

ميس : هسة نختار ونرجع

شروق بعين دامعة : ما اريد حبابة انطوني المفتاح

ابراهيم : ترى جنت اتشاقة وياج

شروق : مو منك

ابراهيم : لعد ؟

شروق : هييج شوية ضجت وين المفتاح

ابراهيم : هاك سيف المفتاح

شروق : لا اريد بوحدي

ابراهيم : هاج

شروق : شـ☽ــ.ـــــ?ــكـ.ـــرآ

ميس : سيف شبيها شروق ؟

سيف : ضاجت مني

ميس : ليش ؟

سيف : رادت شي ومقبلت

ابراهيم : ليش تزعلها يول

سيف : شمعرفني حتزعل

ابراهيم : خطية

سيف : مسويتلها شي عميي على كيفك ويايا عن اذنكم اختاروا وتعالوا

شروق ?

لا اعلم لماذا لم أستطيع التحمل عدت الى السيارة فور صعودي بدأت دموعي في النزول لا استطيع تحمل نبرته العصبية في وجهي هكذا لم يعد ولم يفعل شيء لاحظت قدومه الى السيارة مسحت دموعي واصطنعت الابتسام

سيف : شهلسوالف مال جهال ؟

شروق : معليك بيا

سيف : ليش تطنكرين بسرعة؟

شروق : شوف شلون صيحت بوجهي بلمحل وكلتلي يكفي سوالف صغار ومو اني طفلة ؟ والطفل ميفتهم فلتتعب روحك ويايا

سيف : هاج

شروق : واني شكو

سيف : اخذي شروق

شروق : شنو هاي ؟

سيف : فتحي وشوفي

شروق ?

نظرت اليه واخذت الكيس اذ انها الكعكة التي اردتها

شروق بفرح : انتت

سيف : شكوو؟

شروق : شكرااا كللششش

سيف : لج ثولة فد يوم ردتي شي ومجبتلج يا ؟

شروق : بس طريقتك

سيف : كتلج امشي بس انتي ممشيتي

شروق : اممم اسفة

سيف : اهم شي رضاتج عمي وضحكتج الحلوة

شروق بأبتسامة : ضووك

سيف : لا ما اريد

شروق : دهاااك

ميس : الحلوة دتضحك

شروق : اممم

ابراهيم : هااج

شروق : شنو هاي ؟

ابراهيم : ميس كالتلي تحبين هاي النستلة فجبتلج

شروق : شكراا

ابراهيم : اعتبريها من ميس مو مني

شروق بضحكة : مااشيييي

ابراهيم : يلا بعد نروحلهم ونطلع بطريقنا

3:30 PM

شروق ?

وصلنا عند الـ1 ظهراً حظرنا المكان ووضعنا الطعام بعدما انتهينا اشرت لـ ميس ونهضناا

شروق : هااا نوديهاا

ميس : لاا ابراهيم وسيف حظرولهم ميز خلي نشوفهم كملوا

شروق : يلااا

ميس : كملتوا ؟

ابراهيم : رأيج ؟

ميس : كللش كللش حلووو

ابراهيم : شغل خطيبج بعد

ميس : اياااباااا عود مسوي فد شي يعني مخترع اختراع

ابراهيم : دشوفي وبعدين احجي

ميس : عادي يعني

سيف : يكفي دخيل ربكم خلي نصيحهم دنلعب طوبة

شروق بمرح : يااااايييي

سيف : يلاا صيحولهم

ميس : ماامااا خاللة الكل يلاا تعالواا

عذراء : وين ؟

ميس : تعالوا شوية

عذراء : خلينا كاعدين

ميس : تفوتكممم

عذراء : يلاا امشوا

مروة : ابراهيم وين الكاميرا

ابراهيم : يم سيف وشروق

مروة : خووش يلاا

شروق : كتلي شدوس

سيف : شلون وصلتي سادس انتي ؟

شروق : ليش بلة ؟

سيف : بلخطوبة علمتج وهسة نسيتي

شروق : هسة دكوول

سيف بمكر : خوف كولي تريدين تلزمين ايدي وفضيها

شروق : اهووو حيدخل بيها أن

سيف : تدوسين على هاي الدكمة

شروق : تمااممم .. جووويي جووييي

سيف ?

رأيتها تقفز امامي كالاطفال وتحاول التقاط ردات افعالهم

احتفلنا بعيد ميلادهم تسلينا كثيراً وبعدها بدأنا باللعب

شروق : سيييف سييييف

سيف : هااا

شروق : تعاال نسوي مرجوحة خشبب عليك الله

سيف : وشلون نسويها هااي

شروق : برربببك سيف والله نتسلى حباااااب

سيف : امشيي

شروق : شوووف هذا حبل قوي وهاي خشبة زينة تمشي

سيف : ايييي ؟؟

شروق : علكهااا بلشجرة شدهاا زيين

سيف : جيبييي

ميس : أحنا حنلعب طائرة

ابراهيم : احنا بس 4

ميس : نلعبها تسلية اني و مروة ، انت وعلي

ابراهيم : اشمعنى انتي ومروة ؟

ميس : احسسسسننن

علي : من اولها ملت منك

ميس : لاااا بس هيج احسن انو فريق بنات وفريق ولد وكذاا

علي : لالا مليتييي

ميس : مملييت

مروة : يجي يوم وتملين گـــ❥ـــلــ❤️ـــبــي

علي : هااا هسة هيج صاارت ؟

مروة : لا عيوني دا اتشااقة

باسم : يلا ابو علاوي

ابو علي : وهااي دوشيششش

باسم : اليوم الحظ كاعد ويااك

ابو علي : الله دوشيش ثانية

باسم : لااا مستحيل

ابو : علي هلمرة رحمت بحالك

باسم : يا الله

ام علي : تدرين يا اختي احسن شي سوينا اخذتا بتكم والله مجنا حنشوف احسن منها

عذراء : ولا احنا حنشوف احسن من ابراهيم رجال بكل معنى الكلمة

ام علي : يلة وهذا الفنجاان

عذراء : ترى ماً اعرف هواية حسب الرسون

ام علي : تسلية تسلية

شروق ?

تسلينا يومهاا كثيرااً كان يوم لا ينسى لعبنا ركضنا ضحكنا واخذنا الصور كان الحميع يضحك وسعيد لم نكن نعلم ما معنى حزن ما معنى دمع صحيح كنا نبكي ولكن دموعنا كانت دموع فرح لم تنزل دمعتنا كدمعة حزن ضحكت كثيرا مع سيف لم يكن يرفض لي طلب ولم يجعلني احزن ابداً

كم اتمنى الان ان تعود تلك السنين ان نعود لتلك الايام صحيح لم نكن نملك شي ولكن كنا نملك السعادة البراءة والطيبة ليس كما الان نملك كل شيء ولكن نفتقر للسعادة والطيبة ونمتلك كل شيء سيء حتى تفكيرنا اصبح ينحدر لاسوء المراحل