قدر

#10

20/3/2003 ... 10:00 PM ?

باسم : ها عذراء بعد ناقصكم شي ؟

عذراء : لا عيني هاي هي بس بقى ال**ون ديجيبوا الولد

ام علي : اني عندي **ون بلبيت هسة هم اروح اجيبة

عذراء : لا بقي احنا حنجيب

ام علي : يمعودة هو **ون يفيدنا احسن ما بعدين نحتاج

باسم : المعلبات مناقصها شي.

عذراء : لاا كلها جبنا منها كومة ندبر نفسنا

باسم : يلا لعد ابو علاوي دينتظرني نروح نجيب **ون وغاز ونجيكم اذا احتاجيتوا شي دزوا الولد

عذراء : ماشي الله ينطيكم العافية

شروق : هاي هنا شلون ؟

سيف : شوفي عندج هنا مثال تمشين عليه بس لازم تفكرين بلسؤال زين

شروق : بس احنا ما عدنا هيج سؤال

سيف : بلي عدنا بس هنا ناطيج يا بغير طريقة

شروق بخوف : سيف

سيف : كولي

شروق : خايفة

سيف : من شنو ؟

شروق : شوف شلون حظ صادفنا سادس ويا الحرب لنروح منطلع طبية

سيف : كلها بلقسمة

شروق : بس خايفة كلش خصوصا من اليوم شوف اهلي وبقية الناس مبقوا شي مشتروا وضموا

سيف : عادي حرب حالها حال اللي صاروا

شروق : بس ما ادري شمعرفني يعني

سيف : هسة معليج انتي وركزي هنا بلا شي انتي ضعيفة بلرياضيات

شروق : والله صعب وبعدين اني اريد طبية شسوي بلرياضيات ؟ هااا؟

سيف : هسة بدل محاجية هلكلام جان فهمتج

شروق : يلا بس اجيبلي شي اكلة

سيف : مبطلتي اكل

شروق : اييي دخت شسوي يعني

سيف : ديلاا

شروق : هااك جبتلك نستلة ويايا

سيف : مجوعان

شروق : لخاطررييي

ميس : شدتسوون؟

شروق : نتحزم ونركص يعني شدنسوي

ميس : صوج اللي سأل عود دا اكوللكم شيلوا دنكعد ناكل

شروق : يعني اكو الف ميز مجيتوا الا على هذا

ميس : يلا شروق لتزوديها

شروق : هففف اصلا ضجت محقرا بعد اليوم

سيف : هو انتي شقريتي علمود تضوجين

شروق : ما ادري ضجت وواهسي راح

سيف : هو انتي يومية هيج وين الغريب بلموضوع

شروق : هااا هسة صرت اني اللي ما اقرا

سيف : جذبت شي ؟ تقريلج كلمتين والباقي تضوجين

شروق : شسوي يعني نفسيتي تعبانة

سيف : هو منو المرتاح ؟

شروق : ديلا هسة خلي نلم

باسم : يلا تفضلوا شبيكم مستحيين

عذراء : هو منو عندة نفس ياكل

باسم : هسة اول مرة تصيرلنا حرب بلكي هلمرة خلونا ندري مسووها مفاجئة

عذراء. : الله كريم تفضلوا عيني

شروق : مجوعانة

سيف : طبعا كل اليوم تاكلين

شروق : اهوو

سيف بضحكة : دهاج اكلي طماطة بلدهن متتعوض

شروق : ما اريد

سيف : دكلي ويكفي دلاعة

شروق : عود ليش نصيت صوتك؟

سيف : عيب من عمو باسم

3:00 AM ?

علي : يلا دور منو

ميس : دوريي بس دقيقة

ابراهيم : اني هسة اللي اريد افهمة ليش مسوينا العرس ؟

علي : اكو واحد يسوي عرس بهلوضع؟

ابراهيم : لك قصدي من كطعنا مهر يعني هواية واكفة انو هلكد أجلنا العرس

علي : تلحك تتزوج يمعود شبيك

ابراهيم : وين يمعود

ميس : هسة ديلاا خلي نكمل

شروق : هاكم هذا كلكول

سيف بضحكة : ام كلكوول ااخخ ياباا

شروق : هسة غلطت شصار يعني

ابراهيم : من تزوجين تسمين اول طفل كلكول

شروق : يبوو شحيخصلني بعد

مروة : هههههه خوش لقب شروق

شروق : ديلا كملوا واكفيلي علحرف

باسم : يولد احنا حنام ديروا بالكم بس يبدي القصف نزلوا للسرداب

ابراهيم : لتخاف عمي ندبر نفسنا

باسم : وديروا بالكم علبنات

علي : ابويا وين ؟

باسم : ديطفي الاضوية لان امك وعذراء نزلوا قبلنا ديجهزون المكان

علي : ماشي عمي

سيف : تدرون مال مسجل هسة

شروق : ميحتاج اني اغنيلكمممم

سيف : شحجانيييي

ابراهيم : ساعة السودة كوم نام احسنلك

سيف : شمعرفني هيج حتكول

شروق : دسمعوا سمعوا قال جاني بعد يومين يبكيلي بدمع العين يشكي من حب جديد

ابراهيم : وهذا يا امة داعية عليه يباوع بجهرتج ؟

سيف بحمحمة : حتكضوها سوالف منلعب يعني ؟

شروق : ما اريد ضجت

ابراهيم : عاد لا كل مرة تسويها سالفة وتكلبيها لطمية

شروق : مكلبت شي ومسويت سالفة ولا شي

ابراهيم : هسة دلعبي

مروة : يلا شروق لخاطري كملي لعب

ميس : يلا لج اخير كيم بقة علمود نشوف منو يطلع ديفوتون علي ومراوي

شروق : در سيف يلا

سيف بضحكة : وهاي تسعلول على وزن كلكول

شروق : هفففف صارت 3 ونص اكوم اجيب اكل وكملوا ضحك بوحدكم

شروق ?

ذهبت الى المطبخ يوجد الكثير من الطعام لا اعلم ماذا أخذ

اخرجت صحن ووضعت به بعض المأكولات سمعت صوت الصافرة لا اعلم ماذا حدث لي انقبض قلبي وسقط الصحن

لا اعلم لماذا صرخت بأسم سيف فرأيته أمامي

سيف ?

عندما سمعنا صوت الصافرة اول شخص خطر في بالي شروق انها تخاف ركضت اليها دون شعوري فرأيتها تقف بصدمة والدموع بعينها ركضت نوحي وعانقتنيي

شروق : خاايفة سيف خاايفة

سيف : لتخافين عيوني ميصير شي

شروق : صوتها قوي خفت كلش

سيف : خلص عيوني امشي ننزل يمهم

شروق : خلي نلم الماعون وننزل

سيف : عوفي هسة اني بعدين اصعد المة يلا تعاي

شروق : لااا متصعد وحدك

سيف : هسة امشي وبعدين نتفاهم

شروق : متصعد وحدك والله

سيف : ماشي ماشي ما اصعد وحدي تدللين

سيف ?

لم نخطو خطوة واحدة فبدأ القصف شعرت بشروق ومحاولتها الالتصاق بي انها ترتجف لقد كان الصوت قوي جداً أنها تنتفض بين يدي

سيف : شروق اهدي على كيفج

شروق : خلي ننزل حبااب الله يخليك مدا اتحمل بعد

سيف : خلص حننزل بس انتي شوية تقوي

شروق : مدا اكدر سيف بس خلصني منا

سيف : زين حلزمج واستندي عليا وخلي ننزل

شروق برجفان : م مااشي

سيف ?

كنت شبه احملها مع كل ض*بة كان بكائها يزداد كان يجب ان نخرج الى الحديقة لنصل الى السرداب

شروق : اخاف اطلع

سيف : لازم نطلع علمود ننزل

شروق : مااا اخاف ليجي شي علينا

سيف : سدي عينج وتذكري كل سوالفنا الحلوة واني امشيج ماشيي ؟

شروق : لتعوفني

سيف : شلون اعوفج يلا امشي

شروق ?

اثق به اكثر من نفسي نظرت الى عينيه التي استمد قوتي منهما اومأ لي بعينيه ونظر اللي بنظرته المطمئنة أغلقت عيني وتشبثت به فتذكرت اول يوم التقينا به كم كنا صغار حينها وكيف لم يخبر اخيه بأني من رميت الكرة وكيف تكفل مصاريف تصليح زجاج النافذة .. تذكرت مساعداته الدائمة لي ومحاولاته في ارضائي تذكرت غيرته علي لم اشعر سوى بصوته وهو يقول

سيف : فتحي عينج عاد

شروق : هااه

عذراء : شبيج بنتي ؟

شروق : لا هيج

نظرت الى سيف الذي جلس بجانب عائلته وجلست انا بجانب عائلتي التزمنا ال**ت فقط اصوات القذائف والهاونات تدوي في المكان يا ليتني استطيع معانقة سيف هو الوحيد الذي اشعر معه بالأمان

أبراهيم : تتذكرون العام شلون احتفلنا بعيد نوروز ؟

علي : عبالك مبارحة والله

ابراهيم : جنا عايشين عمي وجنا نتبطر

علي : ايام حلوة جانت

ابراهيم بضحكة : شرووق تتذكرين شصار

شروق : ....

ابراهيم : شرووق

سيف : عوفها خايفة

ابراهيم : دا احجي علمود اوخر هلتوتر منها

سيف : محتكدر هي تخاف

ابراهيم : شرووق

شروق : نعم

ابراهيم : وين صافنة

شروق : هيج دا اتذكر

سيف : شتتذكرين ؟

21/3/2002 ?

شروق : انطوني اضوك شوية

ابراهيم : روحي منا ماكو

شروق : عليكم الله اريد اضوك

ابراهيم : مْـٍـً↻ـًـِْـنٓ نخلص شوي

شروق : حبااابببيييين

ابراهيم : ماكووو

شروق بدلع : سسيييفففف

سيف بضحكة : ماكوو

شروق : بدااعتتييي كباباية وحدة حباااب

سيف : تعاي هاج

شروق : شكراااا

سيف : هسة اجيك ، شروق تعااي

شروق : يلاا جاية

سيف : هاج

شروق : شنو هاي ؟

سيف : ببسي

شروق. : لــيش

سيف : ادري بيج تحبي

شروق : مجان اكو داعي تشتري

سيف : مالتي شربت شوية وتذكرتج

شروق : هااك لعد

سيف : اذا متشربين اجيبلج واحد

شروق : لالا والله اشرب عادي شكراا

علي : اشمريها

شروق : اخلص لكمتي

علي : وكت لكمة هسة

شروق : دقيقة

ابراهيم : انتي شلعبج ويانا متكوليلي

شروق : ترى ما اشمر

ابراهيم : ديلا فضينا

سيف ?

كنت اضحك عليها وعلى تصرفاتها انها تقفز وتضحك وتتدلع كما تشاء حسناً فهي يحق لها الدلع نفضت يدها وبدأت تحظر نفسها لكي ترمي عادت الى الوراء وبدأت تركض نحو الكرة ولكن من يعرف شروق جيداً سيعلم أنها ستقع بكل تأكيد

شروق : ااااخخخخ

سيف بضحكة : دكومي كومي

شروق : لتضحك

سيف : بنت الاوادم الكل ديضحك جتي عليا

شروق : انت لازم تساندني

سيف : للعلم ترى حضرتج وكعتي عليا اخاف مملاحظة هلشي

شروق بخجل : ا ا اسفة انت شجابك كدامي

سيف : عشرة 7 سنين لا يوم ولا يومين علمود ما اعرف شروق من تركض لازم تنجبح

شروق : ديلا عيني يلا على اساس شلونك

سيف : كوميني على الاقل

شروق : ما اكدر كوم انت

ام علي : شباااب بناات يلا عيني تعالوا دنكص الكيك

عذراء : باسم ابو علي خويا تعالوا يلا

باسم : اجيب الدوشيش ونجي

ابو علي : لتحاول

باسم : لا هلمرة ما اكوم اذا ما اجيبة وعيوون شرووقة

شروق : يااكل عيوني يااكل

باسم : وخري منا شروق

شروق : لاه لاه علمود لعبة

سيف بضحكة : شفتي حتى بهاي مفلحتي

شروق : اذا متسكت اركضك الحديقة كلها

سيف : شلون بلة ؟

شروق : هسة تشوووف

سيف

هذه الطفلة ركضت نحوي حسناً كنت استطيع ان لا اركض فهي لا تستطيع فعل شيء ولكن لألعب معها قليلاً فأنا أعشق ضحكتهاا بقيت اركض وهي تصرخ خلفي وتضحك

لم يوقفني سوى صوت مناداتها لي بتعب

شروق بتعب : سييف تعاال حباب مدا اكدر اركض بعد

سيف : شببيج

شروق : مدا اكدر اجر نفس

سيف

اقتربت نحوها ماذا بها عندما مسكت كتفها ض*بتني على كتفي وبدأت تضحك

شروق : هههههه كدرتلك شفتتت يحلوو من اريد شي اكدر اسويه

سيف بضحك : تمام تمام هلمرة كدرتيلي بس حرجعلج ياها

شروق : شلون ؟

سيف : يجي يووم

ام علي : سييف شرووق يلا ولدي تعالوا

شروق : هففف طكيت

ابراهيم : شدعوة هلكد اكلتي ؟

شروق : شسوي سيف مسوي كلش طيب

ابراهيم : على فكرة اني اللي خبطت واني اللي شويت

شروق : يعني قصدك سيف جان صنم يمك هااا

ابراهيم : سيف شوى التكة

شروق : اني عاجبني اشكر سيف بكيفييي

ابراهيم : خبلة بابا مو عاقلة

شروق : وافتخرر

استدرنا نحو سيف الذي اسقط الشاي على قدمه

شروق بخوف : سييففف بييك شييي

سيف : ....

شروق بدموع : سييف متحجييي

سيف بضحكة : كتلج حرجعلج ياها يعني ارجعهاا وكع بلكاع اصلا

شروق : هففف سخيييفففف

21/3/2003 .. 11:30 AM ?

شروق بفرحة : دتسمعوون ماكو صووت ياااي وكف القصف

عذراء : الف الحمد الله والشكر

ام علي : الحمد الله عدت على خير

باسم : يلا امشوا نصعد

شروق : خلونا هنا احسن

ابراهيم : مبين متريدين تاخذين حقج وتفوزينا

سيف : يا حق يا لعب يا فوز عدنا قراية نكعد نقرا

شروق : اهووو

ابو علي : يلا لعد كل واحد يسوي اللي يريد يسوي

باسم : جيب الطاولي

ابو علي : احسن شغلة

3:15 PM

شروق : سيف

سيف : كولي

شروق : سمعت كالوا حيأجلون امتحاناتنا

سيف : ايي قريتها اليوم

شروق : وشلون هسة؟

سيف : عادي تتأجل

شروق : تتوقع حنطلع معدل

سيف : اذا بقينا على حجيج مستحيل

شروق : اهووو هسة يعني شسوي

سيف : ادري بيج من التوتر دتحجين مو قصة كارهة الدراسة او دتضوجين او دتملين لااا بس علمود لتخلين توترج يبين سيف : ترى اني حافظج اكثر من اهلج

شروق : انطيني وعد انو شميصير متعوفني

سيف : وعد محعوفج لحد اخر يوم بعمري

شروق : يلا لعد خلي نكمل

11:30 PM ?

باسم : وين شروق وسيف خلي يجون يتعشون

عذراء : ديقرون والله ديتعبون هواية وشروق دتتنحس

باسم : ما ادري شبيها هلبنية

عذراء : بكد مدلعتها انت

باسم : هاي مو ميوسة نفس الدلع بس هذا طبعها لشروق

عذراء : ميس اقل دلعتها

ميس : بصراحة ماام نفس الدلع بس شروق هيج هذا طبعها

ام علي : عوفها صغيرة بعدها هسة تكبر وتتعلم وخلوها تتدلع شعليكم بيها

ابو علي : البنات نعمة ياريت جان عندي بنية الحمد الله

الله نطاها مراوي وهسة ميوسة

باسم : الله يخليلك ياهم صيحوا شروق وسيف خلي يجون دناكل

سيف : اجينا عمي

شروق ?

جلسنا لنبدأ بالاكل وبدأ القصف كلعادة لم أستطيع أن اكل شيء استمرينا على هذا الوضع لأيام وليالي كل يوم على العشاء يبدأ القصف فننزل الى السرداب وهكذا الحال كل يوم

سيف ?

تخربطت حالة شروق كثيراً بهذه الفترة لم تأكل ولم تنام ولم تستطيع القراءة بشكل جيد كانت تحاول التحدث بأستمرار لتخفي خوفها كانت الدموع بعينها هذه العنين السماويتيين كانت تمطر بأستمرار وبخفية لم استطيع منعها يا ليتني استطيع معانقتها والجلوس بجانبها دائماً ولكنها لا تقربني بشيء فكيف أفعل هكذا

رجاءاً اللي ديقرا خلي يعلق راجاءاً رجاءاً