I'm Yours
Umaga iyon ng Lunes nang madatnan ko sa ibaba ang pagpapasok ni Manang ganoon rin ng iba pang katulong ng mga bagahe. Hindi pa ako tuluyang nakakababa ng hagdan ay tuluyan nang nakapasok si Mommy at Kaedy.
Mabilis ko siyang nginitian, ngunit imbes na gumanti ng ngiti ay binalingan niya si Mommy at may kung anong sinabi ni Mommy na ikinatango naman nito sa kanya.
"Ideritso mo nalang ang lahat sa kuwarto, Manang," ani Mommy.
Hinintay ko ang pag-akyat ni Kaedy sa hagdan lalo na't naglalakad narin siya patungo rito.
"Kumusta ang Paris, Kaedy? Sina Lolo at Lola, kumusta?" tanong ko agad nang makahakbang na siya sa ikaapat na baitang ng hagdan lalo na't nasa ikaanim lamang ako.
"Pagod ako, Keyla," malamig niyang sambit at deri-deritso na ang pag-akyat, nilagpasan lamang ako.
S
