Nakita ko kung paano nagdabog ang babaeng kausap ni Miss Sylvia at pabagsak na umupo sa sofa. Inis na iginala ng mga mata nito ang paningin sa paligid, pero hindi pa rin binibitawan ang hawak na baril.
"Ma'am Avery," mahinang tawag sa akin ng isa sa mga kasama naming kasambahay dito sa bahay.
Itinapat ko ang daliri ko sa tapat ng labi ko bilang sign na huwag siyang maingay at baka makita ako ng galit na babaeng pakakasalan ni Sir Xander. Ayaw kong magkaroon siya ng ideya tungkol sa akin dahil natatakot rin naman ako para sa sariling kaligtasan ko.
Kung si Miss Sylvia nga, nagawa niyang tutukan ng baril sa ulo, hindi malayong gawin rin niya ito sa akin, lalo na kapag nalaman niya kung sino at ano ako sa buhay ni Sir Xander.
Lihim na nanalangin akong huwag sanang malaman ng babaeng ito a
