Mapait na napangiti ako. Hindi ko alam kung ano ba ang dapat kong maramdaman sa mga oras na ito. Heto si Declan, binibigyan niya ako ng assurance, kahit pareho naming alam na magulo ang sitwasyon sa pagitan naming dalawa ni Xander ngayon.
"Pumunta dito ang daddy ni Xander kanina. May pinapirmahan siyang dalawang papeles sa akin," malungkot na sabi ko.
Nakita ko kung paano nangunot ang noo ng kaibigan ni Xander. Para bang hindi niya nagustuhan ang sinabi ko kaya tinanong ako ni Declan.
"Nabasa mo ba kung para saan ang mga papel na pinirmahan mo?"
Tumango ako at sinabing annulment papers ang pinirmahan kong documents na dala ng abogado ng ama ni Xander. Tumango-tango si Declan sa harap ko, pero hindi ko mabasa kung ano ang tumatakbo sa isipan niya.
"May alam ka ba tungkol sa bagay na '
