"Okay," tipid na sagot ko, dahil mukhang aware naman si Aubrey sa nangyari sa kanya, kaya siya narito.
Niyaya akong kumain ni Aubrey, pero dahil tapos na ako ay hindi na ako sumabay sa kanya. Naunawaan naman niya, dahil sinabi kong nauna na akong nag-almusal kanina.
Mabilis lumipas ang oras, nakaramdam ako ng labis na lungkot dahil naisip ko ang mga kapatid ko. Kahit naman alam kong maayos ang lagay nila sa bahay ni Xander ay hindi ko maiwasan ang huwag mag-alala.
Isa pa, naroon si Diana. Alam na niya ang tungkol sa akin at nakita niya ako na lumabas sa silid ni Xander.
Kapag nalaman niyang kapamilya ko sina Aila, baka pag-initan ng babaeng iyon ang mga nakababatang kapatid ko.
Oo nga at mag-asawa kami ni Xander sa papel, pero iniisip ko pa rin ang batang dinadala ni Diana. Alam k
