Lumapit rin ako sa kama. Isa-isa kong inamoy ang unan at tiningnan kung may buhok o may bakas ba ng lipstick ang mga punda.
Pati gilid at ilalim ng kama ay tinignan ko rin. Maging ang kaharap na vintage mirror ay inusisa ko. Wala akong pinalampas kahit maliit na sulok dito sa silid ni Xander.
Lahat ay tiningnan ko, kung may makukuha ba akong ebidensya na nagpapasok ng babae dito sa silid niya si Alexander habang wala ako.
Para tuloy akong selosang asawa. Hmp, siguro gano'n talaga, kasi babaero itong lalaking kasama ko.
"What are you searching for?" Narinig kong tanong ni Xander mula sa likuran ko.
Napatayo tuloy ako ng tuwid. Malapit lang pala siya sa akin at sigurado akong nakita niya kung anong ginagawa ko habang wala siya.
"Naligo ka ba ng maayos?" mabilis na tanong ko kay Xande
