Napalunok ako. Hindi naman sa gano'n ang ibig kong sabihin. Gusto ko lang na malinaw ang lahat sa amin.
"Forget about it, Avery," masungit na sabi ng katabi ko.
Hindi ko alam kung anong problema ni Sir Xander at bakit ang sungit niya ngayon. Ilang araw siyang nawala, tapos pagbalik, kulang na lang ay mabasag ang mukha at nadatnan ko na lang na mainit ang ulo.
Yumuko na lang ako at nag-iwas ng tingin, sabay kagat sa pang-ibabang labi. Nakita ko kung paano ilang ulit at sunod-sunod namang lumagok at nagsalin ng alak si Sir Xander. Mukhang hindi na naman maganda ang mood niya, tapos hindi rin niya nagustuhan ang ginawa kong pagtatanong sa kanya.
Para akong tuod na nakaupo sa tabi ni Sir Xander habang umiinom siya. Ang bigat rin ng atmosphere dito sa bahay niya na kahit malawak at maluwag
