Ang lamig ng hangin na sumalubong sa akin. Pakiramdam ko ay nangangatog ang mga binti ko at nanginginig ang buong katawan ko sa tuwing tatama ang bawat paghampas nito sa balat ko.
Kung alam ko lang na malamig dito ay nagdala sana ako kahit jacket man lang. Wala naman kasing sinabi si Sir Xander, kaya hindi ako nakapag-handa bago pumunta dito.
"Are you okay?" tanong ni Sir Xander ng makitang nakatayo lamang ako.
Hindi ko alam kung napansin niya ang panginginig ng buong katawan ko nang pumulupot ang braso niya sa bewang ko at sinabing pumasok umano kami sa loob ng bahay.
Walang kibo na humakbang ako kasabay niya. Mas humigpit rin ang pagkaka-yakap ng braso ni Sir Xander sa katawan ko kaya lalo lamang akong hindi naging komportable, naiilang kasi ako. Hindi ko alam kung sino ang nakatira
