Nagkatinginan kami ni George. Tumaas ang kilay ko at pinanlakihan ko siya ng mga mata. Hindi ko gusto ang ideya na nabuo sa isipan niya, dahil sa narinig na anunsyo ng lolo niya, kaya mabilis na umiling-iling ang ulo ko bilang pagtanggi.
Pumalakpak naman ang mommy ni George na parang bubuyog na bumubulong-bulong sa tabi ko. "Finally, pumayag na ang lolo mo, anak. P'wede na kayong magpakasal at magkakaroon na rin kami ng apo."
"Mom, seriously, pati ako kasali? Ayaw ko namang maging presidente ng kumpanya ni lolo," piksing sagot ni George sa ina.
"Ano ka ba naman, anak. Pagkakataon mo na iyan para mapatunayan mo ang sarili mo sa lolo at daddy mo. Saka compared with your bastard cousin, mas capable ka, even handling your relationship with Avery, kasi nagmamahalan naman kayong dalawa," sag
