Katulad sa bahay na pinuntahan namin sa Tagaytay, malaki rin ang bahay na pinagdalhan sa akin ni Sir Xander ngayon. May mga sumalubong rin sa kanyang tauhan, pero agad na nag-lumikot at gumala ang mga mata ko sa kabahayan. Sinundan ng paningin ko ang ilan sa mga nadatnan namin ditong kalalakihan sa paligid dahil nakita kong mga armado pala sila.
"Dumating na ba si attorney?" tanong ni Sir Xander sa babaeng yumukod sa harap niya.
"Yes, boss. Nasa library na po," sagot ng babae.
Akala ko'y may trabaho si Sir Xander, kaya posibleng maiwan ako sa sala, pero para akong batang nakasunod sa kanya, maging nang pumasok sa loob ng isang elevator na meron pala sa loob ng bahay na ito.
Base sa observation ko, mukhang pag-aari rin niya ang malaking bahay na ito. Isang patunay dito na iginagalang s
