Marahang tumango-tango ako. Ngayon ay mas malinaw na sa akin kung bakit ayaw ni Sir Xander lumapit sa kanya ang ama at hindi rin allowed pumunta dito sa bahay niya.
"Wala pa po bang asawa si Sir Xander?"
Nakita ko kung paano nangunot ang noo ng may edad na babaeng kaharap ko. Hindi niya agad sinagot ang tanong ko at para bang nag-iisip siya kung sasagutin ba ito.
"Ang alam ko, wala pang babaeng pinakasalan si Boss Alexander. Pero maraming babae ang halos araw-araw ang pumupunta dito noon. May isa pa nga na pinalayas si Miss Camilla dito noong narito siya," sagot ni Miss Sylvia na siyang kumuha sa interest ko.
"Sino po si Camilla?" malakas ang kabog sa dibdib na tanong ko.
"Tumira rin siya dito ng ilang buwan. Akala nga namin, siya na ang babaeng pakakasalan ni Boss Alexander dahil sa
