Napangiti ako at nang-gigigil na pinisil ko ang matangos na ilong niya. "Bakit ang sweet mo ngayon, hmm?"
Natawa naman si Sir Xander, pero muli akong pinatakan ng halik sa labi.
"Anong pinag-usapan ninyo ng mga kaibigan ko noong pumunta sila dito?" mahinang tanong ni Sir Xander, sapat para marinig ko.
Huminga muna ako ng malalim. Pakiramdam ko kasi, may bikig sa lalamunan ko. Heto na ang tamang pagkakataon na p'wede kong itanong sa kanya ang tungkol sa babaeng pakakasalan niya, pero wala akong lakas ng loob dahil sa totoo lang, natatakot at naduduwag ako sa posibleng masakit na katotohanan at confirmation na maririnig ko galing sa kanya.
"Bakit tinatanong mo? Hindi ba sinabi sa iyo ng mga kaibigan mo?" naisip kong itanong sa kanya, para alam ko kung ano ang isasagot ko.
"They won't s
