Sa isang malaki, mataas at kilalang hospital kami pumunta. Nakakalula ang taas ng building. Napakalawak rin ng lobby. Magalang na sinalubong kami ng isa sa mga staff at hinatid mismo sa tapat ng private elevator, kung saan ay kaming dalawa lang ni Sir Xander ang sakay hanggang nakarating kami sa twelfth floor.
Kahit nasa public place kami, hindi binitiwan ni Sir Xander ang kamay ko. Mahigpit na hawak niya ito, habang magkasalikop hanggang narating namin ang malawak na tila pribadong opisina ng doktor na pakay namin.
"Good morning, Mr. and Mrs. Kazimir, it's my pleasure to have you both here," nakangiting bati sa amin ng magandang babaeng doktor na kaharap namin.
Tipid na ngumiti na lang ako kahit may bahagi ng isip ko na gusto kong itama ang pagtawag niya sa akin bilang misis ni Sir Xan
