Marami kaming pinag-usapan ni Harlen hanggang sa nagpaalam siya at umalis na. Siya namang dating ni Arnel at sinabihan kong siya muna ang magbantay kay Ailee sa hospital, para makauwi dito sa bahay si Aila at makapag-pahinga.
Mabuti na lang talaga at bumili ako ng pagkain. Hindi na nagluto ang kapatid ko. Inutusan ko siyang bilhan ako ng gamot sa drugstore para sa sakit ng katawan at pagkatapos ay pumunta na sa hospital.
Si Arnel ang nagbantay kay Ailee magdamag. Matapos uminom ng gamot ay nahiga ako at agad na nakatulog. Hindi ko na nga napansin kung anong oras umuwi si Aila. Bukod kasi sa nangyari sa amin ni Sir Xander, isang linggo na akong kulang sa tulog at walang sapat na pahinga dahil sa trabaho ko, kaya talagang kailangan kong bumawi ng tulog ngayong may pagkakataon ako.
Kaila
