Hindi ko sinagot ang tawag at piniling maligo na lang. Inaantok na rin kasi ako at kailangan ko na talagang matulog, dahil magdamag akong gising sa pagbabantay kay Ailee sa hospital.
Suot ang manipis at pambahay na damit ay lumabas ako sa silid ko, para pumunta sa kusina at mag-almusal. Talagang nagulat ako at namilog ang mga mata ng bumungad sa harap ko ang lalaking nakasimangot at nakaupo sa luma naming sofa dito sa sala.
"Y-you!" nauutal na bulalas ko.
Hindi sumagot ang lalaking hindi ko alam kung paano nakapasok dito sa bahay namin dahil sa pagkakatanda ko, ni-lock ko naman ang pintuan bago pumasok sa banyo at naligo.
Napalunok ako ng makita kong iginala niya ang mga mata sa maliit naming bahay at pagkatapos ay pinasadahan ng tingin ang kabuuan ko.
Wala akong mabasang kahit anong
