Mahinahon na hinarap ko ang kapatid ko at hinawakan ang kamay niya. "Aila, simula bukas, kailangan ko nang pumasok sa trabaho sa gabi. Ikaw muna ang bahala kay Ailee ha. Palitan kayo ni Arnel. Sa araw, narito naman ako, kaya p'wede kang matulog at umuwi sa bahay."
"Sige po, ate. Ako ng bahala. Basta bukas lang cellphone mo, para matawagan kita agad kapag may emergency," nakakaunawa na sagot ni Aila.
"Sige," maikling sagot ko habang ang mga mata ay nakatingin sa kapatid namin.
Hawak ko ang kamay ni Ailee at minamasahe ang palad niya ng maramdaman kong gumalaw ang isa sa mga daliri ng kapatid ko.
"Ailee, gising na," emosyonal na pakiusap ko sa kapatid ko. "Nandito si ate sa tabi mo."
Pinigilan ko ang nagbabadyang luha sa mga mata ko at ilang ulit na kumurap. Emosyonal talaga kasi ako ng
