Dahil malalim na ang gabi, hindi na gaanong traffic. Kalahating oras lang ay nakarating kami ng babaeng kasama ko sa tapat ng malaking building kung saan nakatira si Sir Xander.
Gaya noong unang pumunta ako dito, sinamahan ako ng tauhan ni Sir Xander at hinatid mismo sa harap ng penthouse niya. Hindi na siya pumasok sa loob at walang paalam na umalis at tinalikuran ako matapos bumukas ang pintuan at sinabing pumasok na ako.
Hindi ko na lang pinansin ang malamig na pakikitungo ng babaeng iyon sa akin.
Dahan-dahang pumasok ako sa loob ng penthouse ni Sir Xander. Wala pa rin pinagbago ang lugar na ito malawak at malinis pa rin.
Wala akong narinig na kahit anong ingay, maliban sa sumarang pintuan. Nakaramdam pa ako ng takot dahil wala naman akong nakitang tao, pero naisip ko na lang na b
