Katahimikan ang sumalubong sa akin. Katulad kagabi, wala pa rin si Sir Xander nang pumasok ako. Walang kahit na sino ang nadatnan ko dito sa loob ng penthouse niya. Mukhang wala siyang kasamang kasambahay at mag-isa lang talagang nakatira dito.
Umupo na lang ako sa sofa at tiningnan ang cellphone ko. Wala akong natanggap na text messages mula kay Sir Xander kaya tinawagan ko na lang si Arnel at kinamusta si Ailee.
Napanatag ang loob ko ng marinig kong tulog at nagpapahinga na ngayon ang bunsong kapatid ko. Sinabihan kong matulog na rin si Arnel para kahit paano ay makapag-pahinga na siya.
Kailangan rin iyon ni Arnel dahil kulang siya palagi sa tulog. Ayaw kong magkasakit siya, kaya kapag ganitong may pagkakataon ay talagang sinasabi kong magpahinga siya.
Iginala ko ang paningin ko. M
