Ako na ang kumuha ng mga pinggan na gagamitin namin ng magpaalam si Sir Xander na maliligo raw muna siya para makapag-palit ng damit bago kumain.
Suot pa rin kasi niya ang itim na slack, kapares ng coat at puting polo sa ilalim with necktie. Napaka-pormal ng pananamit niya. Halatang anak mayaman at boss ang awra, malayong-malayo sa tulad kong laki sa hirap.
Mainit at mukhang bagong luto pa ang mga pagkaing dala ni Sir Xander. May beef steak with mushrooms akong nakita. Pero hiniwa ng maliit. May seafoods rin at malalaking hipon na kung hindi ako nagkakamali ay buttered shrimp ito with garlic.
Hindi ako sanay sa pagkaing mayaman, pero kahit paano marunong akong kumilatis nito dahil tatlong buwan rin naman akong pumasok sa isang Chinese restaurant, bago napunta sa fast food chain na pina
