Chapter 21
Lunch break na nila. Mayroon pa ring mga pumapasok na customer sa kanila kaya naman pagkatapos ng kanyang katrabaho ay si Aliah naman ang nagtanghalian. Maalinsangan na sa labas at masakit na sa balat ang silang ng araw. Hindi naman siya nag-abala pang gumamit ng payong dahil malapit lang naman ang karenderyang kanyang pupuntahan. Dalawang tindahan lang ang layo mula sa kanila. Ang dami na rin siyang nakakasalubong na mga estyudante.
“Aliah!”
Natigil siya sa paglalakad nang may marinig siyang tumawag sa kanya. Pagtingin niya sa kanyang likod ay nakita niya si Brent na humahangos papalapit sa kanya. Agad niya itong nginitian.
“Oh, Brent.”
“Hi!” hinihingal nitong bati sa kanya. “Buti na abutan kita. Kain tayo ng lunch?”
“Hindi ka pa ba kumakain?”
Umiling si Brent. “Hind
