KAKATAPOS lamang ni Aidan na gawin ang kaniyang trabaho kaya heto at kasalukuyang nakatambay siya sa may dalampasigan. Hindi niya maaya si Celine na samahan siya ngayon dahil nagpapahinga ito para mamaya. Ang sabi kasi ni Celine kay Aidan ay huwag siya nitong disturbohin dahil magd-display pa siya ng isda mamaya sa palengke. Hindi makaangal si Aidan sa dalaga at napagdesisyonan niyang puntahan na lamang ito mamaya kapag nasa palengke na ito.
Sa hindi kalayuan at tanaw na tanaw niya sina Sieviana at Lauthner na nagtatawanan. Pinagmasdan niya lang ang dalawa hanggang sa dumako ang kaniyang paningin sa paparating na barko. Napakuno ang noo niya habang nakatingin dito pamilya ang mga taong nasa deck nito at kumaway-kaway pa. Upang makita niya nang mabuti kung sino ang mga taong iyon ay tingg
