“M-MATTEO...” Awtomatikong napahakbang si Liwayway paatras. Nakakatakot ang itsurang nakikita niya sa binata. Para itong papatay ng tao.
Nagpatuloy sa paglapit sa kanya ang lalaki kaya unti-unti rin siyang napapaatras. Nanginginig na ang buong katawan niya sa takot.
Napasinghap siya nang bumangga ang likuran niya sa isa sa mga bookshelves ng library. Sa kabilang gilid niya ay ang matigas na dingding kaya pakiramdam niya ay na-corner na siya roon. Wala na siyang maaatrasan pa.
“M-Matteo, patawarin mo ako. Hindi ko sinadya ang nangyari.”
Impit siyang napatili nang tuluyan na itong makalapit at sinuntok nito ang dingding malapit sa mukha niya. Napapikit siya ng mariin at iniwas ang mukha.
Sobrang lapit na lamang nito ngayon. Halos nakadikit na ang katawan nito sa kanya at rinig na r
