PINUNASAN ni Liwayway ang luha sa kanyang mga mata habang nakatingin sa tokador sa kanyang silid-tulugan.
Nakapagbihis na siya ng casual na bestida at nakapag-impake na rin ng lahat ng mga dadalhin niya sa bahay ni Matteo. Ngunit parang ayaw niya pang umalis. Hindi niya alam kung anong buhay ang naghihintay sa kanya doon lalo na’t galit sa kanya ang lalaki at sinabi na nitong hindi siya nito tatratuhin bilang asawa kahit kailan.
Napaigtad siya nang marinig ang pagbukas ng pintuan. Nakita niya sa repleksyon ng salamin ang pagpasok ng kanyang mommy.
“Are you ready?” tanong ni Analisa sa anak.
Malungkot na tumango si Liwayway.
Napabuntong-hininga naman si Analisa at lumapit sa kanya. Kinuha nito ang hair brush sa ibabaw ng tokador at sinimulang i-brush ang buhok ni Liwayway.
“Naaal
