WALA silang imikan ni Matteo habang lulan sila ng kotse nito papunta sa resthouse na nasa tabi ng dagat. Pareho silang malalim ang iniisip at mabigat ang loob.
Maganda at may kalakihan ang bahay na niregalo ng alkalde sa bagong mag-asawa. May apat na kuwarto sa itaas at isa namang maid’s quarter sa ibaba.
Nang makarating sila doon, hindi man lang siya tinulungan ni Matteo magbitbit ng mga dala niyang gamit. Marami-rami pa naman siyang dinala dahil didiretso na sila ng Manila kinabukasan at doon na maninirahan.
Napabuntong-hininga na lamang siya at kinuha ang isang maliit na maleta dahil hindi niya naman kakailanganin ang maraming gamit. Isang gabi lamang silang matutulog doon. Iyon na raw ang pinaka “honeymoon” nila dahil gusto na agad bumalik ni Matteo sa trabaho nito.
Mabuti na ri
